ജയ്പൂര്‍: മഴ വില്ലനായ മത്സരത്തില്‍ ഡല്‍ഹി ഡയര്‍ഡെവിള്‍സിനെ ഡെക്ക്‌വര്‍ത്ത് ലൂയീസ് നിയമപ്രകാരം പത്ത് റണ്‍സിന് കീഴടക്കി ഐ.പി.എല്‍ പോരാട്ടത്തില്‍ രാജസ്ഥാന്‍ റോയല്‍സ് ആദ്യ വിജയം കുറിച്ചു. ഡല്‍ഹിയുടെ തുടര്‍ച്ചയായ രണ്ടാം തോല്‍വിയാണിത്.

ടോസ് നേടി ഡല്‍ഹി ബൗളിങ് തിരഞ്ഞെടുക്കുകയായിരുന്നു. ബാറ്റിങിനിറങ്ങിയ രാജസ്ഥാന്‍ റോയല്‍സ് 17.5 ഓവറില്‍ അഞ്ച് വിക്കറ്റ് നഷ്ടത്തില്‍ 153 റണ്‍സെടുത്ത് നില്‍ക്കേ മഴ തുടങ്ങി. പിന്നീട് ഡല്‍ഹിയുടെ ലക്ഷ്യം ആറോവറില്‍ 71 റണ്‍സായി പുനര്‍നിര്‍ണയിച്ചു. എന്നാല്‍ അവരുടെ പോരാട്ടം ആറോവറില്‍ നാല് വിക്കറ്റ് നഷ്ടത്തില്‍ 60 റണ്‍സില്‍ അവസാനിപ്പിച്ചാണ് രാജസ്ഥാന്‍ സ്വന്തം തട്ടകത്തില്‍ വിജയിച്ചത്.