കരുനാഗപ്പള്ളി: കാറില്‍ കടത്തിയ നാലര കിലോ കഞ്ചാവുമായി നാലു പേര്‍ പൊലിസ് പിടിയില്‍.
ഇന്നലെ പുലര്‍ച്ചെ കാറില്‍ കഞ്ചാവ് കടത്തിക്കൊണ്ടു വരുന്ന വഴി പിന്തുടര്‍ന്ന് അതിസാഹസികമായി തെന്മലയില്‍ വച്ചാണ് ഷാഡോ പൊലിസ് പിടികൂടിയത്.
ചന്ദനത്തോപ്പ് മാമ്മൂട് വയലില്‍ പുത്തന്‍വീട്ടില്‍ ബെല്ലാരി എന്ന് വിളികുന്ന സുനില്‍ (40), പൊലിസില്‍ ഡെസേര്‍ട്ട് ആയ പിരിച്ചുവിടല്‍ നടപടി നേരിടുന്ന ചന്ദനത്തോപ്പ് കൊറ്റുങ്കര പ്രഭാ നിവാസില്‍ പുഷ്പരാജന്‍ (41), കുണ്ടറ തൃപ്പലഴികം നെടുമ്പുറത്ത് തെക്കതില്‍ വീട്ടില്‍ ചോട്ടു എന്ന് വിളികുന്ന മുഹമ്മദ് ഷെറിന്‍ (21), കിഴക്കേ കല്ലാട കൊടുവിള ശിങ്കാരപ്പള്ളി പള്ളത്ത് കിഴക്കതില്‍ വീട്ടില്‍ ലാലു എന്ന് വിളികുന്ന രാജേഷ് (35) എന്നിവരെയാണ് പിടികൂടിയത്.
കൊല്ലം റൂറല്‍ ജില്ലാ പൊലിസ് മേധാവി ബി. അശോകന് ലഭിച്ച രഹസ്യവിവരത്തെ തുടര്‍ന്ന് പൂനലൂര്‍ ഡിവൈ.എസ്.പി .എം.അനില്‍കുമാറിന്റെ നിര്‍ദ്ദേശാനുസരണം കുളത്തുപ്പുഴ ഇന്‍സെപക്ടര്‍ സി.എല്‍ സുധീറിന്റെ നേതൃത്വത്തില്‍ തെന്മല പൊലിസും കൊല്ലം റൂറാല്‍ ഷാഡോ പൊലിസും നടത്തിയ രഹാസ്യ നീക്കത്തിലാണ് പ്രതികള്‍ വലയിലായത്.
തെന്മല എസ്.ഐമാരായ വി.എസ് പ്രവീണ്‍, എ നിസാര്‍, ഷാഡോ എസ്.ഐ എസ് ബിനോജ്, ഷാഡോ പൊലിസ് അംഗങ്ങളായ എ.സി ഷാജഹാന്‍, കെ. ശിവശങ്കരപ്പിള്ള, ബി അജയകുമാര്‍, ആഷിര്‍ കോഹൂര്‍, കെ.കെ രാധാകൃഷ്ണപിള്ള, സി.എസ് ബിനു, ജി.എസ് ഐ മസൂദ്, എ.എസ്‌ഐ രഘു, സി.പിഒ സജീവ് എന്നിവരുടെ നേതൃത്വത്തിലായിരുന്നു പ്രതികളെ അറസ്റ്റ് ചെയ്തത്‌