തലശ്ശേരി: സമസ്ത നൂറാം വാര്‍ഷികത്തോടനുബന്ധിച്ച് 18ന് തലശ്ശേരി ടൗണ്‍ ഹാള്‍ ഓഡിറ്റോറിയത്തില്‍ നടത്തുന്ന ഉത്തരമേഖല ആദര്‍ശ പഠന ക്യാംപിന്റെ പ്രചാരണാര്‍ഥം സ്ഥാപിച്ച ഫ്‌ളക്‌സ് ബോര്‍ഡുകള്‍ കഴിഞ്ഞ ദിവസം രാത്രിയില്‍ സാമൂഹ്യവിരുദ്ധര്‍ നശിപ്പിച്ചു.
സംഗമം ജങ്ഷന്‍ മുതല്‍ ചിറക്കര അയ്യലത്തെ പള്ളി വരെയുള്ള ബോര്‍ഡുകളാണ് നശിപ്പിക്കപ്പെട്ടത്. സംഭവത്തില്‍ തലശ്ശേരി മണ്ഡലം എസ്.വൈ.എസ്, തലശ്ശേരി മേഖല എസ്.കെ.എസ്.എസ്.എഫ് പ്രതിഷേധിച്ചു.
മണ്ഡലം എസ്.വൈ.എസ് ജനറല്‍ സെക്രട്ടറിടി.സി സലിം എടക്കാട്, സെക്രട്ടറിഷൗക്കത്തലി ഉമ്മന്‍ചിറ, ട്രഷറര്‍ സി.കെ അഷറഫ്, എസ്.കെ.എസ്.എസ്.എഫ് മേഖല പ്രസിഡന്റ് ഹഫീസ് മുഴപ്പിലങ്ങാട്, ജനറല്‍ സെക്രട്ടറിശഫീര്‍ വടക്കുമ്പാട്, ആരിഫ് പ്രതിഷേധിച്ചു.