വേങ്ങാട്: മഹല്ലുകളിലും വീടുകളിലും നടന്നുവരുന്ന മജ്‌ലിസുന്നൂര്‍ സംഗമങ്ങള്‍ മുഴുവനാളുകളുടെയും പ്രശ്‌ന പരിഹാരത്തിന്റെ കാവലാണെന്നു സമസ്ത കേരള ജംഇയ്യത്തുല്‍ ഉലമ വൈസ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍. ആത്മീയതയുടെ ഹരിതാഭമായ ലോകത്തേക്കു കൈപിടിച്ചുയര്‍ത്താന്‍ ഇത്തരം സംഗമങ്ങള്‍ പ്രാവര്‍ത്തികമാക്കണമെന്നും അദ്ദേഹം പറഞ്ഞു. സുന്നി യുവജന സംഘം ജില്ലാകമ്മിറ്റി വേങ്ങാട് സംഘടിപ്പിച്ച മജ്‌ലിസുന്നൂര്‍ വാര്‍ഷിക പരിപാടി ഉദ്ഘാടനം ചെയ്യുകയായിരുന്നു പി.കെ.പി.
ജില്ലാ പ്രസിഡന്റ് മലയമ്മ അബൂബക്കര്‍ ബാഖവി അധ്യക്ഷനായി. സി.പി അബൂബക്കര്‍ ഹാജി പതാക ഉയര്‍ത്തി. അബ്ദുറഹ്മാന്‍ ദാരിമി ബ്ലാത്തൂര്‍ മഖാം സിയാറത്തിനു നേതൃത്വം നല്‍കി.
പാണക്കാട് നൗഫല്‍ അലി ശിഹാബ് തങ്ങള്‍ പ്രാര്‍ഥനയ്ക്കു നേതൃത്വം നല്‍കി. ഹസന്‍ സഖാഫി പൂക്കോട്ടൂര്‍ മുഖ്യപ്രഭാഷണം നടത്തി. സമസ്ത സെക്രട്ടറി പി.പി ഉമര്‍ മുസ്‌ലിയാര്‍, സ്വഫ്‌വാന്‍ തങ്ങള്‍ ഏഴിമല, ഇബ്രാഹിം ബാഖവി പൊന്ന്യം, ശരീഫ് ബാഖവി, ഹാരിസ് തങ്ങള്‍ അല്‍ ഹൈദ്രൂസി, മണിയപ്പള്ളി ആബൂട്ടി ഹാജി, വേങ്ങാട് ഉസ്മാന്‍ ഹാജി, സിദ്ദീഖ് ഫൈസി വെണ്‍മണല്‍ സംസാരിച്ചു.
വേങ്ങാട് മഹല്ല് കമ്മിറ്റിയുടെ ആദരം പി.കെ.പി അബ്ദുസലാം മുസ്‌ലിയാര്‍ക്കു പി.പി ഉമര്‍ മുസ്‌ലിയാര്‍ സമര്‍പ്പിച്ചു. സയ്യിദ് നജ്മുദീന്‍ പൂക്കോയ തങ്ങള്‍ ഹൈദ്രൂസി അല്‍ യമാനി മജ്‌ലിസുന്നൂറിനു നേതൃത്വംനല്‍കി. സയ്യിദ് ആറ്റക്കോയ തങ്ങള്‍ അല്‍ അസ്ഹരി ആയിപ്പുഴ, എ.കെ അബ്ദുല്‍ ബാഖി, പി.ടി മുഹമ്മദ്, എസ്.കെ ഹംസ ഹാജി, പാലത്തായി മൊയ്തുഹാജി, സത്താര്‍ വളക്കൈ, ഷൗഖത്തലി മട്ടന്നൂര്‍, അശ്‌റഫ് ബംഗാളിമുഹല്ല, ഉമര്‍ നദ്‌വി തോട്ടീക്കല്‍, ജുനൈദ് സഅദി, മുഹമ്മദ് രാമന്തളി, ആര്‍. അബ്ദുല്ല ഹാജി, എ.പി ഇസ്മാഈല്‍, റസാഖ് ഹാജി പാനൂര്‍, സലീം എടക്കാട്, പി.പി മുഹമ്മദ് ഹാജി വിളക്കോട്, അലിഹാജി കണ്ണവം, ത്വാഹിര്‍ മിസ്ബാഹി ബംഗളൂരു, സുലൈമാന്‍ ഫൈസി ഇര്‍ഫാനി, കെ.പി മുഹമ്മദ് ഹാജി ഉമര്‍ വിളക്കോട്, ഹുസൈന്‍, ഹുസൈന്‍ ഹാജി, കെ.പി മുഹമ്മദ് ഹാജി, സലാം ഇരിക്കൂര്‍, മുസ്തഫ ലത്വീഫി സംബന്ധിച്ചു. ജില്ലയിലെ വിവിധ ഭാഗങ്ങളില്‍ നിന്നു നിരവധി പേരാണു മജ്‌ലിസുന്നൂര്‍ സംഗമത്തിനെത്തിയത്.