നരിക്കുനി: ജമ്മുവിലെ കത്‌വയില്‍ പെണ്‍കുട്ടിയെ പീഡിപ്പിച്ച് കൊലപ്പെടുത്തിയതില്‍ പ്രതിഷേധിച്ച് നരിക്കുനി മേഖല എസ്.കെ.എസ്.എസ്.എഫ് പ്രതിഷേധ റാലി നടത്തി. നരിക്കുനി മജ്മഇല്‍നിന്ന് ആരംഭിച്ച റാലിക്ക് ജില്ലാ വൈസ് പ്രസിഡന്റ് ഫൈസല്‍ ഫൈസി മടവൂര്‍, മേഖല ഭാരവാഹികളായ ശരീഫ് മടവൂര്‍, ഷമീര്‍ പോലൂര്‍, ഫൈസല്‍ യമാനി, റാസിഖ് പുല്ലാളൂര്‍, ടി.സി ഖാദര്‍ മാസ്റ്റര്‍, ഷംസുദ്ദീന്‍ വട്ടോളി, അസീസ് മുസ്‌ലിയാര്‍ പാറന്നൂര്‍, അന്‍വര്‍ നരിക്കുനി, ജവാദ് പോലൂര്‍, സിദ്ദീഖ് പറമ്പില്‍ നേതൃത്വം നല്‍കി.
കത്‌വാ സംഭവത്തില്‍ പ്രതിഷേധിച്ച് ചൂലാം വയല്‍ മാക്കൂട്ടം ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ പ്രതിഷേധദീപം തെളിയിച്ചു. റഫീഖ്, എ.പി സിറാജ്, എ.പി ഫൈസല്‍, വി.പി അന്‍സിക്, വി.പി സൈഫുല്‍ നേതൃത്വം നല്‍കി.
കശ്മീരിലെ കത്‌വാ സംഭവത്തില്‍ പ്രതിഷേധിച്ച് മാവൂര്‍ ക്ലസ്റ്റര്‍ എസ്.കെ.എസ്.എസ്.എഫ് പ്രതിരോധ സംഗമം നടത്തി. മാവൂരില്‍ നടന്ന സംഗമം മാവൂര്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് കെ. മുഹമ്മദ് ബാഖവി ഉദ്ഘാടനം ചെയ്തു. ക്ലസ്റ്റര്‍ പ്രസിഡന്റ് ശുക്കൂര്‍ പാറമ്മല്‍ അധ്യക്ഷനായി. മാവൂര്‍ മഹല്ല് സെക്രട്ടറി പി. അലവിക്കുട്ടി ഹാജി, പഞ്ചായത്ത് എസ്.വൈ.എസ് ജനറല്‍ സെക്രട്ടറി ജാഫര്‍ മാവൂര്‍, റഊഫ് പാറമ്മല്‍, നിയാസ് മാവൂര്‍ സംസാരിച്ചു. സൈദ് അലവി ആയംകുളം പ്രാര്‍ഥനക്ക് നേതൃത്വം നല്‍കി. ജസീം മാവൂര്‍ സ്വാഗതവും ശമീര്‍ മാവൂര്‍ നന്ദിയും പറഞ്ഞു.