പാലക്കാട് : സുപ്രഭാതം പത്രത്തിന്റെ ഏഴാമത് എഡിഷന്‍ കേരളത്തിന്റെ നെല്ലറയായ പാലക്കാട്ടുനിന്ന് സെപ്തംബര്‍ 1 മുതല്‍ ആരംഭിക്കും.
എഡിഷന്റെ പ്രവര്‍ത്തനങ്ങളുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിനായി സമസ്ത കേരള ജംഇയ്യത്തുല്‍ ഉലമ, സുന്നി യുവജനസംഘം, എസ്.എം.എഫ്, എസ്.കെ.ജെ.എം, എസ്.കെ.എസ്.എസ്.എഫ്, എസ്.കെ.എം.എം.എ, എസ്.കെ.എം.ഇ.എ, ജംഇയ്യത്തുല്‍ മുദരിസീന്‍, ജംഇയ്യത്തുല്‍ ഖുത്വബാഅ്, എസ്.ബി.വി തുടങ്ങി സമസ്തയുടേയും പോഷക ഘടകങ്ങളുടേയും ജില്ലാ കമ്മിറ്റികളുടെ സംയുക്തയോഗം ഈ മാസം 24ന് 2.30ന് ചെര്‍പ്പുളശ്ശേരി സമസ്ത ജില്ലാ കാര്യാലയത്തില്‍ ചേരുമെന്ന് സുപ്രഭാതം പാലക്കാട് എഡിഷന്‍ സമിതി ചെയര്‍മാന്‍ അല്‍ഹാജ് സി.കെ.എം സാദിഖ് മുസ്‌ലിയാര്‍, കണ്‍വീനര്‍ ടി.കെ മുഹമ്മദ്കുട്ടി ഫൈസി കരുവാന്‍പടി എന്നിവര്‍ അറിയിച്ചു.