HOME
DETAILS

ആര്‍.ടി.ഒ ഉദ്യോഗസ്ഥയെ ഭീഷണിപ്പെടുത്തിയ സംഭവം ഒതുക്കിത്തീര്‍ക്കാന്‍ നീക്കം

  
backup
April 20 2018 | 02:04 AM

%e0%b4%86%e0%b4%b0%e0%b5%8d%e2%80%8d-%e0%b4%9f%e0%b4%bf-%e0%b4%92-%e0%b4%89%e0%b4%a6%e0%b5%8d%e0%b4%af%e0%b5%87%e0%b4%be%e0%b4%97%e0%b4%b8%e0%b5%8d%e0%b4%a5%e0%b4%af%e0%b5%86-%e0%b4%ad%e0%b5%80

 

ആറ്റിങ്ങല്‍: ആര്‍.ടി ഓഫിസിലെ ഉദ്യോഗസ്ഥയെ ഓഫിസിലും പുറത്തും ഏജന്റ് ഭീഷണി പെടുത്തിയ സംഭവം ഒതുക്കിത്തീര്‍ക്കാന്‍ നീക്കം. ഈ മാസം സ്ഥലംമാറി ആറ്റിങ്ങല്‍ എത്തിയ ജീവനക്കാരിയെയാണ് ആര്‍.ടി ഓഫിസിലെ ഏജന്റായ ദത്തന്‍ മറ്റു ജീവനക്കാര്‍ നോക്കിനില്‍ക്കേ ഓഫിസില്‍ കയറി ഭീഷണിപെടുത്തിയത്. താന്‍ നല്‍കുന്ന പേപ്പറുകള്‍ വൈകുന്നേരം ശരിയാക്കി തന്നില്ലെങ്കില്‍ കാണിച്ചുതരാമെന്നായിരുന്നു ഭീഷണി.
ഉദ്യോഗസ്ഥ കൈക്കൂലി വാങ്ങി മാനദണ്ഡങ്ങള്‍ക്കു വിരുദ്ധമായി കാര്യങ്ങള്‍ ചെയ്തു നല്‍കാത്തതിനായിരുന്നു ഭീഷണി. തുടര്‍ന്ന് ഉദ്യോഗസ്ഥ ഡ്യൂട്ടികഴിഞ്ഞു പുറത്തേക്കു വരുമ്പോഴും ഭീഷണി തുടര്‍ന്നു. ഇതേ തുടര്‍ന്ന് ഇവര്‍ ആര്‍.ടി.ഒക്ക് പരാതി നല്‍കി. ആര്‍.ടി.ഒ ആറ്റിങ്ങല്‍ പൊലിസിന് പരാതി കൈമാറുകയും ചെയ്തു.
എന്നാല്‍ നാലു ദിവസം കഴിഞ്ഞിട്ടും കേസ് രജിസ്റ്റര്‍ ചെയ്തിട്ടില്ല. സംഭവം പൊലിസില്‍ എത്തിയതോടെ ഏജന്റ്‌സ് അസോസിയേഷന്‍ ഇടപെട്ടാണ് കേസ് എടുക്കാതെ ഒതുക്കി തീര്‍ക്കാനുള്ള നീക്കം നടക്കുന്നത്. ആര്‍.ടി ഓഫിസിലെ മറ്റുള്ള ജീവനക്കാരും അസോസിയേഷന് അനുകൂലസമീപനം നടത്തുന്നതായി ആക്ഷേപമുണ്ട്. ഏജന്റിനെതിരെ നിയമനടപടിയുണ്ടായില്ലെങ്കില്‍ ഉന്നതോദ്യോഗസ്ഥര്‍ക്ക് പരാതി നല്‍കാനാണ് ഉദ്യോഗസ്ഥയുടെ തീരുമാനം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."