മസ്‌കത്ത്: ഒമാനിലെ സലാല തീരത്ത് അപകടത്തില്‍പ്പെട്ട കപ്പലില്‍ നിന്നും രക്ഷപ്പെട്ട 10 ഇന്ത്യക്കാര്‍ കൂടി നാട്ടിലേക്ക് മടങ്ങി. അപകടത്തില്‍ നിന്നും രക്ഷപ്പെട്ട 3 പേര്‍ നേരത്തേ നാട്ടിലേക്ക് മടങ്ങിയിരുന്നു. മലയാളികള്‍ അടക്കം 13 ഇന്ത്യക്കാരാണ് അപകടത്തില്‍ നിന്നും രക്ഷപ്പെട്ട് സലാലയില്‍ കഴിഞ്ഞിരുന്നത്. ഒമാനിലെ ഇന്ത്യന്‍ കോണ്‍സുലര്‍ ഏജന്റ് ഡോ സനാതന്റെ നേതൃത്വത്തിലാണ് 13 പേരെയും നാട്ടിലെത്തിച്ചത്.

ALSO READ: വിസ നയങ്ങളിൽ അയവ് വരുത്തി ചൈന, 74 രാജ്യക്കാർക്ക് വിസയില്ലാതെ 30 ദിവസം വരെ താമസിക്കാം, ലിസ്റ്റിൽ എല്ലാ ഗൾഫ് രാജ്യങ്ങളും; ഇന്ത്യ ഇല്ല | Full List

ജൂണ്‍ 21ന് ഒമാന്‍ കടലില്‍, സലാല തീരത്തിന് ഏകദേശം 20 നോട്ടിക്കല്‍ മൈല്‍ തെക്ക്കിഴക്കായി കൊമോറോസ് പതാകയുള്ള 'ഫീനിക്‌സ് 15' എന്ന വാണിജ്യ കപ്പലാണ് അപകടത്തില്‍പ്പെട്ടത്. കപ്പലിലുണ്ടായിരുന്ന 20 ജീവനക്കാരെയും സുരക്ഷിതമായി രക്ഷപ്പെടുത്തിയതായി ഒമാന്‍ മാരിടൈം സെക്യൂരിറ്റി സെന്റര്‍ അറിയിച്ചു. ഇതില്‍ മൂന്ന് മലയാളികള്‍ ഉള്‍പ്പെടെയുള്ളവര്‍ ജൂലൈ 2ന് നാട്ടിലെത്തിയിരുന്നു. ബാക്കിയുള്ളവര്‍ എമര്‍ജന്‍സി പാസ് ലഭിച്ച ശേഷം കഴിഞ്ഞ ദിവസം നാട്ടിലെത്തി.

ജബല്‍ അലിയില്‍നിന്ന് ജിദ്ദയിലേക്ക് പോകുകയായിരുന്ന 'ഫീനിക്‌സ് 15' കപ്പലാണ് അപകടത്തില്‍പ്പെട്ട് മുങ്ങിയത്. അപകടസമയത്ത് സമീപത്തുണ്ടായിരുന്ന 'ഗള്‍ഫ് ബര്‍ക്' എന്ന മറ്റൊരു വാണിജ്യ കപ്പലാണ് ജീവനക്കാരെ രക്ഷിച്ചത്. രക്ഷപ്പെട്ടവരില്‍ ഇന്ത്യക്കാര്‍ക്ക് പുറമേ ഇന്തോനേഷ്യ, മ്യാന്‍മാര്‍, ഇറാന്‍ എന്നീ രാജ്യങ്ങളില്‍നിന്നുള്ള ജീവനക്കാരും ഉള്‍പ്പെട്ടിരുന്നു.

ALSO READ: ഒമാനില്‍ വിസ പുതുക്കല്‍ ഗ്രേസ് പിരീഡ് ജൂലൈ 31ന് അവസാനിക്കും; അറിയിപ്പുമായി തൊഴില്‍ മന്ത്രാലയം

പാസ്‌പോര്‍ട്ട് കൈവശമുണ്ടായിരുന്ന മൂന്ന് മലയാളികള്‍ ജൂലൈ 2ന് തന്നെ നാട്ടിലെത്തിയിരുന്നു. മറ്റുള്ളവര്‍ എമര്‍ജന്‍സി പാസ് നേടിയ ശേഷം സുരക്ഷിതമായി സ്വദേശത്തേക്ക് മടങ്ങി.

Workers, including several Malayalis, who survived the recent shipwreck in Salalah, Oman, have safely returned home. Their miraculous escape from near-death has brought relief to families and communities in Kerala.