കഠിനംകുളം: കഴക്കൂട്ടം മേനംകുളത്ത് നിന്ന് രണ്ടര കിലോ കഞ്ചാവുമായി യുവാവിനെ കഴക്കൂട്ടം പൊലിസും സിറ്റി ഷാഡോ ടീം അംഗങ്ങളും ചേര്‍ന്ന് പിടികൂടി. കഴക്കൂട്ടം മേനംകുളം പീറ്റര്‍ ഹൗസില്‍ ഡൊമിനിക് ഡോമി (22) നെയാണ് പൊലിസ് അറസ്റ്റ് ചെയ്തത്.
ടെക്‌നോപാര്‍ക്കും നിരവധി കോളജുകളും പ്രവര്‍ത്തിക്കുന്ന കഴക്കൂട്ടത്ത് കഞ്ചാവും മയക്കുമരുന്നും വ്യാപകമായി വില്‍പന നടക്കുന്നതായി വിവരം ലഭിച്ച പൊലിസ് വലുതും ചെറുതുമായ നിരവധി കഞ്ചാവ് മയക്കു മരുന്നു കച്ചവടക്കാരെ പിടികൂടിയിരുന്നു. കഴിഞ്ഞ ദിവസമാണ് എറണാകുളത്തെ വിദ്യാര്‍ഥിയായ മിറാജുദീന്‍ ഹാഷിഷ് ഗുളികകളും ഘടഉ സ്റ്റാമ്പുകളുമായി പിടിയിലായത്.
ഡൊമിനികിനെ ചോദ്യം ചെയ്തതില്‍ ടെക്‌നോപാര്‍ക്ക്, തീരദേശമേഖലയിലെ സ്‌കൂള്‍ വിദ്യാര്‍ഥികള്‍ക്കും ഇതര സംസ്ഥാന തൊഴിലാളികള്‍ക്കും കഞ്ചാവ് വിപണനം ചെയ്തു വരുന്നതായി സമ്മതിച്ചിട്ടുണ്ട്. ഇയാള്‍ അന്യ സംസ്ഥാനങ്ങളില്‍ നിന്നാണ് കഞ്ചാവ് വാങ്ങി ഇവിടെ ചില്ലറ വില്‍പന നടത്തിയിരുന്നത്. ചോദ്യം ചെയ്തതില്‍ കൂടുതല്‍ കഞ്ചാവ് വില്‍പനക്കാരെ കുറിച്ചുള്ള വിവരം ലഭ്യമായിട്ടുണ്ട്.
ഡി.സി.പി ശ്രീ. ജയദേവ്, സൈബര്‍ സിറ്റി സബ് ഡിവിഷന്‍ പൊലിസ് അസിസ്റ്റന്റ് കമ്മിഷണര്‍ എ. അനില്‍കുമാര്‍, എസ്. അജയ് കുമാര്‍, എസ്.ഐ സുധീഷ് കുമാര്‍, സി.പിമാരായ അരുണ്‍, യശോധരന്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.