ബെയ്ജിങ്: ചൈനയില്‍ ബോട്ടപകടത്തില്‍ 17 മരണം. തെക്കന്‍ ചൈനയിലാണ് ശക്തമായ ഒഴുക്കിനെ തുടര്‍ന്ന് രണ്ട് ബോട്ടുകള്‍ മറിഞ്ഞത്.
കഴിഞ്ഞ ദിവസം ഗ്യൂലിന്‍ നഗരത്തിലെ താവോഹുവ നദിയിലാണു സംഭവം. നിറയെ ആളുകളുമായെത്തിയ ബോട്ട് ശക്തമായ ഒഴിക്കില്‍ നിയന്ത്രണം നഷ്ടപ്പെട്ടു മറിയുകയായിരുന്നു.
തൊട്ടുപിറകെ സ്ഥലത്തെത്തിയ ബോട്ടും നിയന്ത്രണം വിട്ടു മറിഞ്ഞു. 60ഓളം പേരാണു ബോട്ടുകളിലുണ്ടായിരുന്നത്.
ഇതില്‍ 40 പേരെ രക്ഷപ്പെടുത്തി കരയിലെത്തിച്ചിട്ടുണ്ട്. മൂന്നു പേരെ കാണാനില്ല.200ഓളം പേര്‍ ചേര്‍ന്നാണു രക്ഷാപ്രവര്‍ത്തനം നടത്തുന്നത്.
ബോട്ടിലുണ്ടായിരുന്ന ആരും ലൈഫ് ജാക്കറ്റ് ധരിച്ചിരുന്നില്ലെന്ന് അധികൃതര്‍ പറഞ്ഞു.മനുഷ്യര്‍ തുഴയുന്ന ഡ്രാഗണ്‍ ബോട്ട് വിനോദസഞ്ചാരം രാജ്യത്ത് ജനപ്രിയമാണ്. ചൈനയില്‍ ഇതിനായി പ്രത്യേക ഉത്സവകാലം തന്നെയുണ്ട്.