കണ്ണൂര്‍: പുണ്യങ്ങളുടെ പൂക്കാലമായ വിശുദ്ധ റമദാനിലൂടെ ആത്മസംസ്‌കരണം നേടിയെടുക്കാന്‍ വിശ്വാസികള്‍ തയാറെടുക്കണമെന്നും പ്രശ്‌നങ്ങളും പ്രതിസന്ധികളും നേരിടുന്ന മനസുകള്‍ക്കു സമാധാനം കൈവരിക്കാന്‍ വിശുദ്ധ ഖുര്‍ആനിനെ അര്‍ഥസഹിതം മനസിലാക്കി നിത്യജീവിതത്തില്‍ കൊണ്ടുവരാന്‍ ശ്രമിക്കണമെന്നും സമസ്ത കേരള ജംഇയ്യത്തുല്‍ ഉലമ കണ്ണൂര്‍ ജില്ലാ മുശാവറ യോഗം ആഹ്വാനം ചെയ്തു. യോഗത്തില്‍ പി.കെ.പി അബ്ദുസ്സലാം മുസലിയാര്‍ അധ്യക്ഷനായി. സയ്യിദ് ഉമര്‍ കോയ തങ്ങള്‍ പ്രാര്‍ഥന നടത്തി. സമസ്ത സംസ്ഥാന വൈസ് പ്രസിഡന്റായി തിരഞ്ഞെടുക്കപ്പെട്ട പി.കെ.പി അബ്ദുസ്സലാം മുസലിയാരെയും കേന്ദ്രമുശാവറ അംഗമായി തിരഞ്ഞെടുക്കപ്പെട്ട കെ.കെ.പി അബ്ദുല്ല ഫൈസിയേയും യോഗത്തില്‍ ആദരിച്ചു.
പി.പി ഉമര്‍ മുസലിയാര്‍, മാണിയൂര്‍ അഹ്മദ് മുസലിയാര്‍, കെ.കെ.പി അബ്ദുല്ല ഫൈസി, കെ.ടി അബ്ദുല്ല ഫൈസി, ടി.എസ് ഇബ്രാഹിം മുസലിയാര്‍, മാണിയൂര്‍ അബ്ദുറഹ്മാന്‍ ഫൈസി, കെ അബൂബക്കര്‍ ബാഖവി, എന്‍.പി കുഞ്ഞാലി മുസലിയാര്‍, കെ.കെ മുഹമ്മദ് ദാരിമി, മുഹമ്മദ് ശരീഫ് ബാഖവി ബ്ലാത്തൂര്‍, അബ്ദുറഹ്മാന്‍ ഹൈത്തമി, ഒ.സി കുഞ്ഞഹമ്മദ് മുസലിയാര്‍, എം.പി അബ്ദുല്ല ഫൈസി, എന്‍.പി മുഹമ്മദ് ബാഖവി, ഇ.കെ അഹ്മദ് ബാഖവി, എം.പി മുഹമ്മദ് ഫൈസി, മുഹമ്മദ് സലീം ഫൈസി ഇര്‍ഫാനി, ടി.പി യൂസഫ് ബാഖവി എന്നിവര്‍ സംബന്ധിച്ചു.