ധര്‍മശാല:സ്ത്രീകളെയും കുട്ടികളേയും പീഡിപ്പിക്കുന്നവര്‍ ഇനി 13 വയസിന് മുകളിലുള്ളവരെ തേടിപ്പോകുമോയെന്നആശങ്ക ഉയരുകയാണെന്ന് രാജ്യസഭാംഗവും സിനിമാതാരവുമായ സുരേഷ്‌ഗോപി. ധര്‍മശാലയിലെ നിഫ്റ്റ് ക്യാംപസ് സന്ദര്‍ശിച്ചശേഷം മാധ്യമപ്രവര്‍ത്തകരുമായി സംസാരിക്കുകയായിരുന്നു അദ്ദേഹം. 12 വയസുവരെയുള്ള കുട്ടികളെ പീഡിപ്പിക്കുന്നവര്‍ക്ക് വധശിക്ഷ നല്‍കുന്നത് സംബന്ധിച്ച് പുറപ്പെടുവിച്ച നിയമത്തേക്കുറിച്ച് ചോദിച്ചപ്പോഴാണ് അദ്ദേഹം ഇങ്ങനെ പ്രതികരിച്ചത്. നിയമം നിര്‍മിക്കുന്നതല്ല, അത് നടപ്പിലാക്കുകയെന്നതാണ് മുഖ്യമെന്ന് അദ്ദേഹം പറഞ്ഞു. ഇക്കാര്യത്തില്‍ ഒരു പുനര്‍ചിന്തനം ആവശ്യമാണ്.
മക്കളെ മാതാപിതാക്കള്‍ നല്ല രീതിയില്‍ വളര്‍ത്തിയാല്‍ തന്നെ നാട്ടിലെ കുറ്റ കൃത്യ ങ്ങ ള്‍ കുറക്കാനാകുമെന്നും സുരേഷ്‌ഗോപി പറഞ്ഞു. വയസ് ഇക്കാര്യത്തില്‍ ഒരു ഘടകമായി കാണേണ്ടതില്ലെന്നും, നിയമമുണ്ടായത്‌കൊണ്ട് കാര്യമില്ലെന്നും നടപ്പിലാക്കുകയെന്നതാണ് ആവശ്യമെന്നും അദ്ദേഹം കൂടി ച്ചേര്‍ത്തു.
. കഴിഞ്ഞമാസം 25 ന് താന്‍ നിഫ്റ്റില്‍ സന്ദര്‍ശനം നടത്തി ക്യാംപസില്‍ ലൈറ്റുകളും സി.സി.ടി.വി കാമറ ഉള്‍പ്പെടെയുള്ള സൗകര്യങ്ങളും എംപിമാരുടെ വികസന ഫണ്ടില്‍ നിന്ന് നടപ്പിലാക്കുമെന്ന് പ്രഖ്യാപിച്ചതിന്റെ പിറ്റേന്ന്തന്നെ മറ്റുള്ളവര്‍ വന്ന് അത് നടപ്പിലാക്കിയതില്‍ സന്തോഷമുണ്ടെന്നും അതാണ് രാഷ്ട്രീയകളികളെന്നും സുരേഷ്‌ഗോപി പറഞ്ഞു. ഇനി എന്തെങ്കിലും പദ്ധതികള്‍ ആവശ്യമുള്ള പ്രദേശങ്ങളുണ്ടെങ്കില്‍ താന്‍ സന്ദര്‍ശനം നടത്താമെന്നും അങ്ങനെയെങ്കിലും കാര്യങ്ങള്‍ ഉടനടി നടപ്പിലാക്കിക്കിട്ടുമെന്നും അദ്ദേഹം പറഞ്ഞു.