മാറഞ്ചേരി: ജനലിലൂടെ കൈയിട്ട് മാല പൊട്ടിച്ചു. മാറഞ്ചേരി മാസ്റ്റര്‍പ്പടി എ സി കെ റോഡില്‍ താമസിക്കുന്ന കുരുക്കള്‍ പറമ്പില്‍ അബ്ദുല്ലയുടെ വീട്ടിലാണ് കഴിഞ്ഞ ദിവസം മോഷണം നടന്നത്.
പുലര്‍ച്ചെ മൂന്നുമണിയോടെ ബെഡ്‌റൂമിന്റെ ജനല്‍ വഴി മോഷ്ട്ടാവ് അബ്ദുല്ലയുടെ ഭാര്യ നഫീസക്കുട്ടിയുടെ കഴുത്തില്‍ കിടന്ന മാലപൊട്ടിച്ചെടുക്കുകയായിരുന്നു. മോഷണ ശ്രമം അറിഞ്ഞതിനെ തുടര്‍ന്ന് നടന്ന പിടിവലിയില്‍ മാലയുടെ ചെറിയ കഷ്ണവും ഡയമണ്ട് ലോക്കറ്റും മോഷ്ടാവിന്റെ കൈയില്‍പെട്ടു.
പെരുമ്പടപ്പ് സബ് ഇന്‍സ്‌പെക്ടര്‍ വിനോദ് വലിയാട്ടൂര്‍ സ്ഥലത്തെത്തി തെളിവെടുപ്പ് നടത്തി. രാത്രികാലങ്ങളില്‍ ബെഡ്‌റൂമിന്റെ ജനല്‍ പൊളികള്‍ തുറന്നിടരുതെന്നും രാത്രികാലങ്ങളില്‍ പുറമെ നിന്നും ഏതു തരത്തിലുള്ള ശബ്ദം കേട്ടാലും വേ@ മുന്‍കരുതലുകള്‍ എടുക്കാതെ പുറത്തിറങ്ങരുതെന്നും മോഷണമോ ശ്രമമോ നടന്നാല്‍ ഉടന്‍ പൊലിസിനെ വിവരം അറിയിക്കണം എന്നും പെരുമ്പടപ്പ് സബ് ഇന്‍സ്‌പെക്ടര്‍ വിനോദ് വലിയാട്ടൂര്‍ പറഞ്ഞു.