ദമാം: യമനിലെ ഹൂത്തി മലീഷികളുമായി ചേര്‍ന്നു പ്രവര്‍ത്തിച്ച 52 കുട്ടികളെ സഊദിയുടെ നേതൃത്വത്തിലുള്ള സഖ്യസേന പിടികൂടി. ഇവരെ യമനിലെ ഔദ്യോഗിക സര്‍ക്കാറിനു കൈമാറുകയും ചെയ്തു. സഊദി-യമന്‍ അതിര്‍ത്തി മേഖലയില്‍ കുഴിബോംബുകള്‍ വിതറുന്നതിനിടയിലാണ് ഇവരെ പിടികൂടിയതെന്നു സഖ്യസേനയെ ഉദ്ധരിച്ച് സഊദി പ്രസ് ഏജന്‍സി റിപ്പോര്‍ട്ട് ചെയ്തു. അന്താരാഷ്ട്ര ഏജന്‍സികളായ റെഡ്‌ക്രോസ്, യൂനിസെഫ് എന്നിവയുടെ മേല്‍നോട്ടത്തിലാണ് കുട്ടികളെ കൈമാറിയത്. വയസ്, ഭാവി എന്നിവ പരിഗണിച്ചാണ് ഇവരെ നിയമപരമായി പ്രത്യേക നിബന്ധനയോടെ കൈമാറിയതെന്നു സഖ്യസേന പ്രസ്താവനയില്‍ പറഞ്ഞു. കൈമാറിയ കുട്ടികള്‍ എട്ടു മുതല്‍ 17 വെര വയസുള്ളവരാണ്.
അതേസമയം, അറബ് സഖ്യസേനയെ യുദ്ധക്കുറ്റവാളികളായി ചിത്രീകരിച്ച് തയാറാക്കിയ റിപ്പോര്‍ട്ട് ്തിരുത്തിയ നടപടിയെ ജി.സി.സി സ്വാഗതം ചെയ്തു.