ആനക്കര: മഴമറയിലെ പച്ചക്കറികൃഷിക്ക് ആനക്കര പഞ്ചായത്തില്‍ തുടക്കമായി. ശക്തമായ മഴയിലും മികച്ച പച്ചക്കറി വിളവെടുപ്പാണ് മഴമറ കൃഷിയിലൂടെ ലക്ഷ്യമിടുന്നത്. പഞ്ചായത്ത്് പ്രസിഡന്റ് സിന്ധു രവീന്ദ്രകുമാര്‍ പദ്ധതി ഉദ്ഘാടനം ചെയ്തു. വൈസ് പ്രസിഡന്റ് പി വേണുഗോപാല്‍ അധ്യക്ഷനായി. കെ വിജയന്‍, സി.ടി സെയ്തലവി പ്രസംഗിച്ചു. കെ.വി ഗോപി, ദാസന്‍മാമ്പറ്റ എന്നീ കര്‍ഷകരാണ് മഴ മറയിലെ പച്ചകറി കൃഷിയുമായി മുന്നിട്ടിറങ്ങിയിരിക്കുന്നത്. വഴുതിന, വെണ്ട, തക്കാളി, കയ്പ, മുളക് എന്നിവയാണ് ആദ്യഘട്ടത്തില്‍ കൃഷി ചെയ്യുന്നത്. കൃഷി ഓഫിസര്‍ ജോസഫ് ജോണ്‍ തേറാട്ടില്‍, യു.പി രവീന്ദ്രനാഥ്, രാമന്‍ ചാത്തയില്‍, കെ സെയ്തലവി, കെ.സി ബഷീര്‍, കെ.വി ഹരിഗോപി, പി.വി കുഞ്ഞന്‍ നേതൃത്വം നല്‍കി.