പെരിന്തല്‍മണ്ണ: ആനമങ്ങാട് സര്‍വീസ് സഹകരണ ബാങ്ക് എസ്.എസ്.എല്‍.സി, പ്ലസ്ടു പരീക്ഷകളില്‍ എ പ്ലസ് നേടിയ വിദ്യാര്‍ഥികള്‍ക്കുള്ള അവാര്‍ഡ് വിതരണം ചെയ്തു. പരിസ്ഥിതി ദിനാചരണത്തിന്റെ ഭാഗമായി വൃക്ഷത്തൈകള്‍ നടുകയും ചെയ്തു. പെട്ടമണ്ണ റീന ഉദ്ഘാടനം ചെയ്തു. പ്ലസ്ടു വിജയികള്‍ക്കുള്ള അവാര്‍ഡ് വിതരണം സബ് കലക്ടര്‍ ജാഫര്‍ മാലിക് നിര്‍വഹിച്ചു. പഞ്ചായത്ത് പ്രസിഡന്റ് സിനി ടീച്ചര്‍, ബാങ്ക് പ്രസിഡന്റ് കെ.കെ സൈതാലി, ടി.കെ സദക്ക, ടി.പി മോഹന്‍ദാസ്, എ.പി മജീദ് മാസ്റ്റര്‍, പി.കെ മാനു, സ്വര്‍ണ്ണലത, ഷീജ, എം.കെ പ്രകാശ് സംസാരിച്ചു.