എരുമപ്പെട്ടി: കടങ്ങോട് ഉണ്ണിമിശിഹ പള്ളി പറമ്പില്‍ തീപിടിത്തമുണ്ടായത് പരിഭ്രാന്തിയുണ്ടാക്കി. പള്ളി പറമ്പിലെ റബ്ബര്‍ തോട്ടത്തിലാണ് തീപിടിത്തമുണ്ടായത്.
വൈദ്യുതി കമ്പികള്‍ കാറ്റിലുരസി തീപൊരി ചിതറിയതിനെ തുടര്‍ന്ന് ഉണങ്ങിയ പുല്ലിന് തീപിടിക്കുകയായിരുന്നു.
പള്ളിയോട് ചേര്‍ന്ന് പ്രവര്‍ത്തിക്കുന്ന വിവാഹ മണ്ഡപത്തിന് സമീപവും ജനവാസ കേന്ദ്രത്തിലേയ്ക്കും തീ പടര്‍ന്ന് പിടിച്ചത് പരിഭ്രാന്തിക്കിടയാക്കി. കുന്നംകുളത്ത് നിന്നെത്തിയ ഫയര്‍ഫോഴ്‌സും നാട്ടുകാരും ചേര്‍ന്ന് തീയണച്ചു.
സ്റ്റേഷന്‍ അസിസ്റ്റന്റ് ഓഫിസര്‍ ഫെലിക്‌സ് മാത്യു, ഫയര്‍മേന്‍മാരായ അനീഷ്, ശിവകുമാര്‍, സുമിത്രന്‍ ,മോഹന്‍ദാസ് ജിസ്‌മോന്‍ എന്നിവര്‍ നേതൃത്വം നല്‍കി. എരുമപ്പെട്ടി എസ്.ഐ. സുബിന്തിന്റെ നേതൃത്വത്തില്‍ പൊലിസും സ്ഥലത്തെത്തിയിരുന്നു.