ലണ്ടന്‍: എഫ്.എ കപ്പില്‍ ആഴ്‌സനലിന് സ്വന്തം തട്ടകത്ത് ജയം. ലീഡ്‌സിനെ ഒരു ഗോളിനാണ് ആഴ്‌സനല്‍ പരാജയപ്പെടുത്തിയത്.
55ാം മിനുട്ടില്‍ ഇംഗ്ലണ്ട് മുന്നേറ്റ താരം റീസ് നെല്‍സനാണ് ആഴ്‌സനലിനായി വിജയഗോള്‍ നേടിയത്.
പന്തടക്കത്തിലും ഗോളുതിര്‍ക്കുന്നതിലും പിന്നിലായെങ്കിലും 55ാം മിനുട്ടിലെ ഗോള്‍നേട്ടം ആഴ്‌സനലിനെ വിജയവഴിയിലെത്തിക്കുകയായിരുന്നു.
ലീഡ്‌സ് 58 ശതമാനം പന്ത് അടക്കി വച്ചപ്പോള്‍ 42 ശതമാനം സമയത്ത് മാത്രമാണ് പന്ത് ആഴ്‌സനല്‍ താരങ്ങളുടെ കാലുകളില്‍ നിന്നത്.
ലീഡ്‌സ് പോസ്റ്റിലേക്ക് തൊടുത്ത ആറ് ഷോട്ടുകള്‍ തടുത്ത് നിര്‍ത്തി അര്‍ജന്റൈന്‍ ഗോള്‍ കീപ്പര്‍ എമിലിയാനോ മാര്‍ട്ടിനെസും ആഴ്‌സനലിന്റെ രക്ഷകനായി. 25ന് ബേണ്‍മൗത്തുമായാണ് ആഴ്‌സനലിന്റെ അടുത്ത റൗണ്ട് മത്സരം.