തെഹ്‌റാന്‍: 176 പേരുമായി പോയ ഉക്രൈന്‍ യാത്രാവിമാനം ഇറാനില്‍ വച്ച് തകര്‍ന്ന് വിമാനത്തിലെ മുഴുവന്‍ പേരും കൊല്ലപ്പെട്ടു. ഉക്രൈന്റെ ബോയിങ് 737 ആണ് എന്‍ജിന്‍ തകരാറിനെ തുടര്‍ന്ന് തകര്‍ന്നത്. ഇന്നലെ തെഹ്‌റാനിലെ ഇമാം ഖുമൈനി വിമാനത്താവളത്തില്‍ നിന്ന് പറന്നുയര്‍ന്ന ഉടനെയായിരുന്നു അപകടം. വിമാനത്തിലുണ്ടായിരുന്ന എല്ലാവരും കൊല്ലപ്പെട്ടതായി ഉക്രൈന്‍ പ്രസിഡന്റ് സെലന്‍സ്‌കി അറിയിച്ചു.
167 യാത്രക്കാരും ഒന്‍പത് ജീവനക്കാരുമാണ് വിമാനത്തിലുണ്ടായിരുന്നത്. മരിച്ചതില്‍ 82 പേര്‍ ഇറാനികളും 63 പേര്‍ കാനഡക്കാരുമാണ്. ഉക്രൈന്‍(11), സ്വീഡന്‍(10), അഫ്ഗാനിസ്ഥാന്‍(4), ജര്‍മനി(3), ബ്രിട്ടന്‍(3) എന്നിങ്ങനെയാണ് മരിച്ച മറ്റുള്ളവരുടെ എണ്ണം.
വിമാനത്തിന്റെ ബ്ലാക് ബോക്‌സ് കണ്ടെത്തി. എന്നാലിത് കൈമാറില്ലെന്ന് ഇറാന്‍ അറിയിച്ചു.