കാസര്‍കോട്: ശബരിമല യുവതി പ്രവേശനവുമായി ബന്ധപ്പെട്ട് നടത്തിയ ഹര്‍ത്താലിന്റെ മറവില്‍ ജില്ലയിലുടനീളം അക്രമം അഴിച്ചുവിട്ട സംഘ്പരിവാര്‍ ക്രിമിനല്‍ സംഘങ്ങള്‍ക്കെതിരേ ശക്തമായ നടപടികള്‍ സ്വീകരിക്കണമെന്ന് മുസ്‌ലിം യൂത്ത് ലീഗ് ജില്ലാ പ്രസിഡന്റ് അഷ്‌റഫ് എടനീര്‍, ജനറല്‍ സെക്രട്ടറി ടി.ഡി കബീര്‍ എന്നിവര്‍ ആവശ്യപ്പെട്ടു. ജില്ലയുടെ വിവിധ ഭാഗങ്ങളില്‍ പ്രകടനമായി എത്തിയ ഹര്‍ത്താല്‍ അനുകൂലികള്‍ ഉന്നത നേതാക്കളുടെയും പൊലിസിന്റെയും സാന്നിധ്യത്തിലാണ് വ്യാപകമായി അക്രമണങ്ങള്‍ നടത്തിയത്.
കലാപങ്ങള്‍ ഉണ്ടാക്കാനുള്ള ഇത്തരം ശ്രമങ്ങളെ ചെറുത്ത് തോല്‍പ്പിക്കാന്‍ മുഴുവന്‍ ജനങ്ങളും ഒറ്റക്കെട്ടായി നില്‍ക്കണമെന്നും അക്രമിസംഘങ്ങള്‍ക്ക് സഹായകരമായ രീതിയിലുള്ള ഇടപെടലില്‍നിന്ന് ഭരണകക്ഷിയായ സി.പി.എം പിന്തിരിയണമെന്നും യൂത്ത് ലീഗ് നേതാക്കള്‍ ആവശ്യപ്പെട്ടു.