വാരണസി: സമ്പൂര്‍ണാനന്ദ് സംസ്‌കൃതി വിശ്വവിദ്യാലയ വിദ്യാര്‍ഥി യൂനിയന്‍ തെരഞ്ഞെടുപ്പില്‍ മുഴുവന്‍ സീറ്റിലും കോണ്‍ഗ്രസ് വിദ്യാര്‍ഥി സംഘടനയായ എന്‍.എസ്.യു.ഐയ്ക്ക് വിജയം. നാലു സീറ്റുകളിലും ബി.ജെ.പി വിദ്യാര്‍ഥി സംഘടയായ എ.ബി.വി.പിയെ ആണ് പരാജയപ്പെടുത്തിയത്.

പ്രസിഡന്റായി എന്‍.എസ്.യുവിലെ ശിവം ശുക്ലയെ തെരഞ്ഞെടുത്തു. എ.ബി.വി.യിലെ ഹര്‍ഷിത് പാണ്ഡെയെ ആണ് പരാജയപ്പെടുത്തിയത്. വലിയ ഭൂരിപക്ഷത്തിലാണ് ഈ വിജയം നേടിയത്. ശിവം ശുക്ല 709 വോട്ടുകള്‍ നേടിയപ്പോള്‍ ഹര്‍ഷിത് പാണ്ഡെയ്ക്ക് 224 വോട്ടുകള്‍ മാത്രമാണ് നേടാനായത്.

ജനറല്‍ സെക്രട്ടറി സ്ഥാനത്തേക്ക് ഗൗരവ് ദുബെയെ തോല്‍പ്പിച്ച് അവ്‌നിഷ് പാണ്ഡെ തെരഞ്ഞെടുക്കപ്പെട്ടു. ഇതും വലിയ മാര്‍ജിനില്‍ തന്നെയാണ് വിജയം.