നന്തിബസാര്‍: തിക്കോടി സര്‍വീസ് സഹകരണ ബാങ്ക് ഈ അധ്യയന വര്‍ഷത്തില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികള്‍ക്ക് കാഷ് അവാര്‍ഡ് വിതരണവും അനുമോദനവും നടത്തി.
മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്തു. എസ്.എസ്.എല്‍.സി കുട്ടികള്‍ക്കുള്ള അവാര്‍ഡ് വിതരണം മേലടി ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമനും പ്ലസുടു വിദ്യാര്‍ഥികള്‍ക്ക് തിക്കോടി പഞ്ചായത്ത് പ്രസിഡന്റ് എം.കെ പ്രേമനും നിര്‍വഹിച്ചു.
വൃക്ഷതൈ വിതരണം ബാങ്ക് പ്രസിഡന്റ് കെ.പി രമേശന്‍ നിര്‍വഹിച്ചു.
രാജീവന്‍ കോടല്ലൂര്‍, രമ ചെറുകുറ്റി, സന്തോഷ് തിക്കോടി, വി.വി ജബ്ബാര്‍, ബിജു കളത്തില്‍, കുഞ്ഞിയാരിക്കല്‍ കുഞ്ഞിരാമന്‍, പി.ടി പ്രവീണ്‍ സംസാരിച്ചു. കെ.പി രമേശന്‍ അധ്യക്ഷനായി.