കൊടുവള്ളി: ഒരിടവേളയ്ക്കു ശേഷം കൊടുവള്ളി മേഖലയിലെ വിവിധയിടങ്ങളില്‍ മോഷണം പെരുകുന്നു. മൂന്നാഴ്ചയ്ക്കുള്ളില്‍ മേഖലയിലെ വിവിധ സ്ഥലങ്ങളിലായി 12ഓളം വീടുകളിലാണു മോഷണം നടന്നത്.
ഒറ്റനില വീടുകളുടെ ടെറസിലേക്കുള്ള വാതില്‍ പൊളിച്ച് അകത്തുകയറിയാണു മിക്കയിടങ്ങളിലും മോഷണം നടന്നത്.
അമ്പലക്കണ്ടിയിലെ ഒരു വീട്ടില്‍ നിന്ന് ആറര പവന്‍ സ്വര്‍ണം കവര്‍ന്ന മോഷ്ടാക്കള്‍ കിഴക്കോത്ത് കച്ചേരിമുക്കിലെ മറ്റൊരു വീട്ടില്‍ നിന്ന് അര പവനും കവര്‍ന്നു. കൊടുവള്ളി നഗരസഭാ പരിധിയിലെ തലപ്പെരുമണ്ണ പ്രദേശത്തും കിഴക്കോത്ത് പഞ്ചായത്തിലെ കച്ചേരിമുക്കിലും ഏതാനും വീടുകളില്‍ മോഷണശ്രമങ്ങള്‍ നടന്നു.
മോഷണം നടന്ന വീടുകളില്‍ കൊടുവള്ളി പൊലിസ് പരിശോധന നടത്തി. മോഷ്ടാക്കളെ കുറിച്ച് സൂചന ലഭിച്ചതായും തുടര്‍നടപടികള്‍ ഉടന്‍ ഉണ്ടണ്ടാകുമെന്നും കൊടുവള്ളി എസ്.ഐ പ്രജീഷ് സുപ്രഭാതത്തോട് പറഞ്ഞു.