മാഹി: പുതുച്ചേരി സംസ്ഥാന വൈദ്യുതി വകുപ്പ് ജീവനക്കാരുടെ നിര്‍ത്തി വെച്ച സമരം 3 മുതല്‍ തുടങ്ങി. മാഹിയില്‍ 10 മുതല്‍ വീണ്ടും സമരം തുടങ്ങും.നിലവിലുള്ള ശമ്പളം നില നിര്‍ത്താനും തടഞ്ഞുവെച്ച പ്രമോഷനും മറ്റ് ആനുകൂല്യങ്ങളും ലഭിക്കാന്‍ നേരത്തെ സമരം നടത്തിയപ്പോള്‍ അധികാരികള്‍ നല്‍കിയ ഉറപ്പ് പാലിക്കപ്പെട്ടിട്ടില്ല. ഉറപ്പുകള്‍ ലംഘിക്കപ്പെട്ടതിന്റെ അടിസ്ഥാനത്തിലാണ് വീണ്ടും അനിശ്ചിതകാല പണിമുടക്ക് സമരത്തിന് ജീവനക്കാര്‍ നിര്‍ബന്ധിതമായതെന്ന് സംയുക്ത സമരസമിതി ഭാരവാഹികളായ എം. പത്മനാഭന്‍, എം.സി ജീവാനന്ദന്‍, കെ. രാജേഷ് എന്നിവര്‍ അറിയിച്ചു.