ലക്‌നൗ: ഇന്ത്യയില്‍ മുസ്‌ലിങ്ങള്‍ക്ക് പ്രത്യേക അവകാശങ്ങളും സൗകര്യങ്ങളും നല്‍കിയത് കൊണ്ടാണ് വിഭജനത്തിന് ശേഷവും അവരുടെ എണ്ണം ഇരട്ടിക്കിരട്ടിയായി വര്‍ധിച്ചതെന്ന് ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ്. പൗരത്വഭേദഗതി നിയമത്തിന് പിന്തുണ നല്‍കി കൊണ്ട് ഗയയില്‍ ബി.ജെ.പി സംഘടിപ്പിച്ച റാലിയിലാണ് യോഗി വിഷം നിറച്ച് വാക്കുകള്‍ തൊടുത്തു വിട്ടത്.

'വിഭജനത്തിനു ശേഷം ഇന്ത്യയില്‍ മുസ്‌ലി ങ്ങളുടെ എണ്ണം വര്‍ധിക്കുകയാണ് ചെയ്തത്. അത് ഏഴോ എട്ടോ ഇരട്ടിയായി വളര്‍ന്നു. ആര്‍ക്കും ഒരു എതിര്‍പ്പുമില്ല. അവര്‍ക്ക് പ്രത്യേക അവകാശങ്ങള്‍ നല്‍കിയത് കൊണ്ടാണ് അവരിങ്ങനെ വളര്‍ന്നത്. അവരുടെ വളര്‍ചത്ചക്കാവശ്യമായ എല്ലാ നടപടികളും എടുച്ചു.യ എന്നാല്‍ പാകിസ്താനിലോ'- യോഗി പറഞ്ഞു. എന്തുകൊണ്ടാണ് 1947ന് ശേഷം പാകിസതാനില്‍ ഹിന്ദുക്കള്‍ കുറഞ്ഞത് യോഗി ചെദിച്ചു. ഹിന്ദുക്കള്‍ എവിടെ പോയെന്ന ഒരുവിവരവുമില്ലെന്നും യോഗി കൂട്ടിച്ചേര്‍ത്തു.

പൗരത്വഭേദഗതി നിയമത്തിനെതിരായി രാജ്യത്ത് നടക്കുന്ന പ്രതിഷേധങ്ങള്‍ കുടില ചിന്താഗതിക്കാരായ പ്രതിപക്ഷ കക്ഷികള്‍ ആസുത്രണം ചെയ്യുന്നതാണെന്ന് യോഗി കുറ്റപ്പെടുത്തി. പ്രധാനമന്ത്രി നരേന്ദ്ര മോദിയേയും ആഭ്യന്തര മന്ത്രി അമിത് ഷായേയും പൗരത്വ ഭേദഗതി നിയമം കൊണ്ടുവന്നതില്‍ വിമര്‍ശിക്കേണ്ട ആവശ്യമില്ലെന്നും ആദിത്യനാഥ് ഉത്തര്‍പ്രദേശില്‍ പറഞ്ഞു.

പൗരത്വ ഭേദഗതി നിയമത്തിനെതിരായി നില്‍ക്കുന്നവര്‍ രാഷ്ട്ര താത്പര്യങ്ങള്‍ക്ക് വിരുദ്ധമായി പ്രവര്‍ത്തിക്കുകയാണെന്നും ആദിത്യനാഥ് അഭിപ്രായപ്പെട്ടു. മോദി സര്‍ക്കാര്‍ മതത്തിന്റെ പേരില്‍ ആരെയും തരംതിരിച്ച് കാണില്ലെന്നു പറഞ്ഞ യോഗി ആദിത്യനാഥ് സര്‍ക്കാരിന്റെ വിവിധ പദ്ധതികളില്‍ നിന്ന് മതം നോക്കാതെ ആളുകള്‍ക്ക് സേവനം ലഭിച്ചിട്ടുണ്ടെന്നും അവകാശപ്പെട്ടു.