റിയാദ്: പ്രവാസി മലയാളി ഫെഡറേഷന്‍ ഗ്ലോബല്‍ സമ്മേളനം പ്രമാണിച്ച് ഏര്‍പ്പെടുത്തിയ 'പി.എം.എഫ് അറേബ്യന്‍ പുരസ്‌കാരം' ജീവകാരുണ്യ പ്രവര്‍ത്തകന്‍ ഫിറോസ് കുന്നംപറമ്പിലിന്. കേരളത്തിന്റെ വിവിധ ഭാഗങ്ങളിലെ പാവപ്പെട്ടവര്‍ക്ക് വേണ്ടി നല്‍കിയ സേവനപ്രവര്‍ത്തനങ്ങള്‍ പരിഗണിച്ചാണ് ഫിറോസിനെ പുരസ്കാരത്തിന് തെരഞ്ഞെടുത്തതെന്ന് ഭാരവാഹികളായ റാഫി പാങ്ങോട്, ഷിബു ഉസ്മാന്‍ എന്നിവര്‍ അറിയിച്ചു. ഞായറാഴ്ച നെടുമ്പാശേരി സാജ് എര്‍ത്ത് റിസോര്‍ട്ടില്‍ നടക്കുന്ന ഗ്ലോബല്‍ സമ്മേളനത്തില്‍ പുരസ്‌കാരം സമ്മാനിക്കും.
സഊദിയില്‍ നിന്നുള്ള പ്രതിനിധി സംഘം പ്രസിഡന്റ് ഡോ. അബ്ദുല്‍ നാസറുടെ നേതൃത്വത്തില്‍ പങ്കെടുക്കും. മാധ്യമ സമ്മേളനം, ചര്‍ച്ചാ ക്ലാസ്സുകള്‍, സംവാദങ്ങര്‍, വിവിധ കലാപരിപാടികള്‍ എന്നിവയും സമ്മേളനത്തോട് അനുബന്ധിച്ച് നടക്കും. .കെ അനസ്, പി.പി ചെറിയാന്‍, സന്തോഷ് ജോര്‍ജ് ജേക്കബ്, ടി.സി മാത്യു, എം.പി സുരേന്ദ്രന്‍, എന്‍. ശ്രീകുമാര്‍, വേണു പരമേശ്വര്‍ എന്നിവര്‍ പങ്കെടുക്കും. ഗ്ലോബല്‍ ചെയര്‍മാന്‍ ഡോ. ജോസ് കാനാട്ട്, കോഓഡിനേറ്റര്‍ ജോസ് പനച്ചിക്കല്‍ എന്നിവര്‍ നേതൃത്വം നല്‍കും.