താമരശേരി: ചുരം ഒന്‍പതാം വളവിന് സമീപം ജീപ്പ് നിയന്ത്രണംവിട്ട് താഴ്ചയിലേക്ക് മറിഞ്ഞ് ഒരാള്‍ മരിച്ചു.
അടിവാരം കൈതക്കാടന്‍ അബ്ദുറഹിമാന്‍ (45) ആണ് മരിച്ചത് ഡ്രൈവര്‍ പുളിക്കല്‍ അബു, ഭാര്യ സംസാദ എന്നിവരെ ഗുരുതര പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
കൂടെയുണ്ടായിരുന്ന അബുവിന്റെ ചെറിയ കുട്ടി നിസാര പരുക്കുകളോടെ രക്ഷപ്പെട്ടു.
കൈതപ്പൊയിലില്‍നിന്നും അബ്ദുറഹിമാന്റെ ഭാര്യയുടെ മേപ്പാടിയിലെ ബന്ധുവീട്ടിലേക്ക് കല്യാണത്തിന് പോവുകയായിരുന്ന ഇവര്‍. ജീപ്പ് നിയന്ത്രണം വിട്ട് 50 അടിയോളം താഴ്ചയിലേക്കാണ് മറിഞ്ഞത്. ഇന്നലെ രാവിലെ പതിനൊന്നരയോടെയാണ് അപകടമുണ്ടായത്.
അടിവാരം ലക്കി ഹോട്ടലിലെ ജീവനക്കാരനാണ് മരിച്ച അബ്ദുറഹിമാന്‍. സക്കീനയാണ് ഭാര്യ. മക്കള്‍: ജുനൈദ്, ജിന്‍സ, ജാസ്മിന്‍, ജിന്‍സ ഷെറിന്‍. പിതാവ്: ബീരാന്‍. മാതാവ്: പാത്തുമ്മ. സഹോദരങ്ങള്‍: മുഹമ്മദ്. ആബിദ്, നൗഷാദ്, സാറ, സൈനബ.