കോഴിക്കോട്: മിഠായിത്തെരുവ് അഗ്നിബാധയെ സംബന്ധിച്ച് സമഗ്രാന്വേഷണം വേണമെന്ന് ഡോ. എം.കെ മുനീര്‍ എം.എല്‍.എ. വ്യാപാരികള്‍ക്ക് വ്യാപാരം പുനരാരംഭിക്കാന്‍ ആവശ്യമായ നഷ്ടപരിഹാരം അനുവദിക്കുന്നതിന് അടിയന്തര നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
മിഠായിത്തെരുവ്-എം.പി റോഡ് മേഖലയിലെ തുടര്‍ തീപിടിത്തങ്ങളെ സംബന്ധിച്ച് സമഗ്രാന്വേഷണം വേണമെന്നും അഗ്നിശമനസേന ആയുധവല്‍ക്കരിച്ച് പ്രവര്‍ത്തനം കാര്യക്ഷമമാക്കണമെന്നും എസ്.എസ്.ബി.ഒ.ടി.എ, വെല്‍ഫെയര്‍ പാര്‍ട്ടി ജില്ലാ പ്രസിഡന്റ് അസ്‌ലം ചെറുവാടി ആവശ്യപ്പെട്ടു.
കോഴിക്കോട്: കാലാവസ്ഥാ വ്യതിയാനം മൂലവും മറ്റും അടുത്തകാലത്തായി പൊതുവെയും പ്രത്യേകിച്ച് മിഠായിത്തെരുവ്, എം.പി റോഡ് മേഖലയില്‍ തീപിടിത്തം പതിവാകുന്ന സാഹചര്യത്തില്‍ കേരള അഗ്നിശമന സേന വിഭാഗം ആയുധവല്‍ക്കരിക്കണമെന്നും ഒഴിവുകള്‍ നികത്തണമെന്നും ചെറുകിട ബില്‍ഡിങ് ഓണേഴ്‌സ് ആന്റ് ടെനന്റ്‌സ് അസോസിയേഷന്‍ സംസ്ഥാന സര്‍ക്കാരിനോടാവശ്യപ്പെട്ടു.