ആനക്കര: ചേകനൂരില്‍ ബസ് കത്തി നശിച്ചു. പതിനഞ്ച് ലക്ഷം രൂപയുടെ നഷ്ട്ടം. ആനക്കര കണ്ടനകം റോഡിന് സമീപം ചേകനൂര്‍ സെന്ററില്‍ പാച്ചത്ത് അബ്ദുറഹ്മാന്റെ കെ.എല്‍. 51 ബി. 5047 പി.എ സണ്‍സ് ബസാണ് ബുധനാഴ്ച്ച പുലര്‍ച്ചെ രണ്ടര മണിയോടെ തീപ്പിടിച്ച് നശിച്ചത്.
ചൊവ്വാഴ്ച്ച രാത്രിയില്‍ ഓട്ടം കഴിഞ്ഞ വീട്ട് മുറ്റത്ത് നിര്‍ത്തിയിട്ടതായിരുന്നു. പുലര്‍ച്ചെ ഉച്ചത്തിലുളള ശബ്ദം കേട്ടാണ് വീട്ടുകാര്‍ അറിയുന്നത്.
തുടര്‍ന്ന് പൊന്നാനിയില്‍നിന്ന് ഫയര്‍ ഫോഴ്‌സ് എത്തി തീഅണച്ചപ്പോഴേയ്ക്കും ബസ് പൂര്‍ണമായി കത്തിനശിച്ചിരുന്നു.
സമീപത്തെ രണ്ട് തെങ്ങ്, വാഴകള്‍, വാട്ടര്‍ടാങ്ക്, വീടിനോട് ചേര്‍ന്നുളള മറ്റൊരു വീടിന്റെ ബാത്ത് റൂമിന്റെ വാതില്‍ കത്തി നശിച്ചു.
അപകട കാരണ അറിവായിട്ടില്ല. പൊന്നാനി പൊലിസ് സ്ഥലം സന്ദര്‍ശിച്ചു കേസെടുത്ത് അന്വേഷണം ആരംഭിച്ചു. ചേകനൂരില്‍നിന്ന് കുറ്റിപ്പുറം പുതുപൊന്നാനി റൂട്ടില്‍ സര്‍വീസ് നടത്തുന്ന 28 സീറ്റുളള അശോക് ലൈലന്റ് ലിങ്‌സ വാഹനമാണിത്.