കോട്ടയം: കോട്ടയം സെന്റര്‍ ഫോര്‍ ഖ്വുര്‍ആനിക് സ്റ്റഡീസി(സി.ക്യു.എസ.്)ന്റെ ആഭിമുഖ്യത്തില്‍ ഈ വര്‍ഷത്തെ റമദാന്‍ മതവിജ്ഞാനസദസ്സിന്റെ  ആദ്യ ദിവസമായ നാളെ രാവിലെ 10.00ന് കോട്ടയം ചെല്ലിയൊഴുക്കം റോഡിലുള്ള സി.ക്യു.എസ്. ഹാളില്‍ പഴങ്ങനാട് മദീനാ മസ്ജിദ് ഇമാം മൗലവി ഇസ്മായില്‍ കങ്ങരപ്പടി 'വിശുദ്ധ ഖുര്‍ആന്‍ വിശുദ്ധ റമദാന്‍' എന്ന വിഷയത്തില്‍ പ്രഭാഷണം നടത്തും.  
തുടര്‍ന്നുള്ള ഞായറാഴ്ചകളില്‍ തണ്ടേക്കാട് ജുമാ മസ്ജിദ് ഇമാം മൗലവി മുഹമ്മദ് മുനീര്‍ ഹുദവി (19 ജൂണ്‍)  'അന്ത്യനാള്‍ അടുത്തുവോ?' എന്ന വിഷയത്തിലും, തീരൂര്‍ പയ്യനങ്ങാടി ജുമാ മസ്ജിദ് ഇമാം ജനാബ്. ഷിയാസ് സലഫി (26 ജൂണ്‍) 'സമ്പത്ത്‌വ്യവസ്ഥ ഇസ്ലാമില്‍' എന്ന വിഷയത്തിലും, മൗലവി മുഹമ്മദ് ആഷിക്ക് നിസ്സാമി, കാസര്‍കോട് (03 ജൂലൈ) 'ബന്ധങ്ങളുടെ മൂല്യങ്ങള്‍' എന്ന വിഷയത്തിലും  പ്രഭാഷണങ്ങള്‍  നടത്തും. ജൂണ്‍ 26-ാം തീയതിയിലെ പ്രഭാഷണത്തോടനുബന്ധിച്ച് ഇരാറ്റുപേട്ട റിംസ് ഹോസ്പിറ്റല്‍ ചെയര്‍മാന്‍ ഡോ. മുഹമ്മദ് ഇസ്മായില്‍ നോമ്പിന്റെ ആരോഗ്യശാസ്ത്രം എന്ന വിഷയത്തില്‍ സെമിനാര്‍ നയിക്കും. സ്ത്രീകള്‍ക്ക് പ്രത്യേകസൗകര്യം ഉണ്ടായിരിക്കും.