ചിക്കാഗോ: ലയണല്‍ മെസിയുടെ ഹാട്രിക്കില്‍ അര്‍ജന്റീന പനാമയെ തളച്ചു. എതിരില്ലാത്ത അഞ്ചു ഗോളുകള്‍ക്കാണ് അര്‍ജന്റീനയുടെ ജയം. മെസിയുടെ ഹാട്രിക്കിന് പുറമെ സെര്‍ജിയോ അഗീറോയും നിക്കോളോസ് ഓട്ടമെന്‍ഡിയും അര്‍ജന്റീനക്കായി ഗോളുകള്‍ നേടി.

മത്സരം ആരംഭിച്ച് ഏഴാം മിനിറ്റില്‍ ഓട്ടമെന്‍ഡി ആദ്യ ഗോള്‍ നേടി. രണ്ടാം പകുതിയില്‍ അഗസ്റ്റോ ഫെര്‍ണാണ്ടസിന് പകരക്കാരനായി മെസി എത്തിയതോടെ 68ാം മിനിറ്റില്‍ തന്നെ അര്‍ജന്റീനയുടെ രണ്ടാം ഗോളും മെസിയുടെ ആദ്യ ഗോളും പിറന്നു. 78ാം മിനിറ്റിലും 87ാം മിനിറ്റിലും മെസിയുടെ ഗോള്‍ വലയിലെത്തിയതോടെ പനാമയുടെ പരാജയം ഏകദേശം ഉറപ്പിച്ചു. പിന്നീട് 90ാം മിനിറ്റില്‍ അംഗീറോയും ഗോള്‍ നേടിയതോടെ അര്‍ജന്റീന തന്റെ ആധിപത്യം ഉറപ്പിച്ചു.