റിയാദ്: യമനില്‍ വ്യോമാക്രമണത്തില്‍ വിമത ഹൂതി വിഭാഗം നേതാവും അംഗരക്ഷകനും കൊല്ലപ്പെട്ടു. മധ്യയമനിലെ മിഡി ജില്ലയില്‍ അറബ് സഖ്യ സേന നടത്തിയ ആക്രമണത്തിലാണ് മുതിര്‍ന്ന കമാന്‍ഡര്‍ ഹമൂദ് ലത്തീഫ് അല്‍ വാശി കൊല്ലപ്പെട്ടത്. ജബല്‍ അല്‍ നായര്‍ മേഖലയില്‍ രൂക്ഷമായ സംഘര്‍ഷം നടന്നതായി സൈന്യം അറിയിച്ചു.

ഈ മേഖലയില്‍ ഹൂഥികള്‍ക്കായി ശക്തമായ തിരച്ചില്‍ ആരംഭിച്ചതായും സൈന്യം വ്യക്തമാക്കി. അതേസമയം, ഹൂഥികളും വിമത പക്ഷമായ സാലിഹ് വിഭാഗവും തായിസിലെയും പരിസരങ്ങളിലെയും ചരിത്ര സ്മാരകങ്ങള്‍ക്ക് നേരെ ശക്തമായ ആക്രമണങ്ങള്‍ നടത്തി.