തിരുവനന്തപുരം: മുഖ്യമന്ത്രി പിണറായി വിജയന്‍ ഔദ്യോഗിക വസതിയായ ക്ലിഫ് ഹൗസിലേക്ക് താമസം മാറി. ഇന്ന് രാവിലെ 9.30 ഓടെയാണ് മുഖ്യമന്ത്രി ക്ലിഫ് ഹൗസിലെത്തിയത്. തന്റെ ഫെയ്‌സ്ബുക്കിലൂടെയാണ് താമസം ക്ലിഫ് ഹൗസിലേക്ക് താമസം മാറിയ കാര്യം മുഖ്യമന്ത്രി അറിയിച്ചത്. ഭാര്യയ്ക്കും മക്കള്‍ക്കും പേരക്കുട്ടികള്‍ക്കുമൊപ്പം ക്ലിഫ്ഹൗസില്‍ നിന്നെടുത്ത ചിത്രവും പോസ്റ്റ് ചെയ്തു.

മുന്‍ മുഖ്യമന്ത്രി നേരത്തെ തന്നെ ക്ലിഫ് ഹൗസ് ഒഴിഞ്ഞിരുന്നെങ്കിലും എ.കെ.ജി സെന്ററിനു സമീപത്തെ ഫഌറ്റിലായിരുന്നു മുഖ്യമന്ത്രിയും കുടുംബവും താമസിച്ചിരുന്നത്.ചെറിയ അറ്റകുറ്റ പണികള്‍ പൂര്‍ത്തിയാക്കാനുള്ളതിനാലായിരുന്നു താമസം വൈകിയത്. അധികാരമേറ്റെടുത്ത് 17 ാം ദിവസമാണ് മുഖ്യമന്ത്രി ക്ലിഫ് ഹൗസിലേക്ക് താമസം മാറ്റിയത്.