കോഴിക്കോട്: മെഡിക്കല്‍ എന്‍ട്രന്‍സ് പരീക്ഷയില്‍ ഉന്നത റാങ്ക് നേടിയ ശാക്കിര്‍ കളരാന്തിരി, മുഹമ്മദ് അമീന്‍ പാഴൂര്‍, ഫാത്വിമ ജസ്‌ന ചാലിയറക്കല്‍, ആരിഫ് ഹുസൈന്‍ കളരാന്തിരി എന്നിവരെയും എസ്.എസ്.എല്‍.സി, പ്ലസ്ടു ഉന്നതവിജയികളെയും എസ്.കെ.എസ്.എസ്.എഫ് ജില്ലാ കമ്മിറ്റി ഉപഹാരം നല്‍കി അനുമോദിച്ചു. കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ഉപഹാരം സമര്‍പ്പിച്ചു.
സയ്യിദ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനായി. ഗൈഡന്‍സ് ക്ലാസിന് റിയാസ് മാസ്റ്റര്‍ നരിക്കുനി, അലി മാസ്റ്റര്‍ നാദാപുരം നേതൃത്വം നല്‍കി. കുഞ്ഞാലന്‍കുട്ടി ഫൈസി, ഒ.പി അഷ്‌റഫ്, അലി അക്ബര്‍ മുക്കം, മിദ്‌ലാജ് അലി താമരശ്ശേരി, അസീസ് പുള്ളാവൂര്‍, കുഞ്ഞിമരക്കാര്‍ മലയമ്മ, മാജിദ് ഫൈസി പേരാമ്പ്ര, മുഹമ്മദ് ആയഞ്ചേരി, മുനീര്‍ മൗലവി കുളിരാമുട്ടി, റഫീഖ് മാസ്റ്റര്‍ പെരിങ്ങൊളം, നൂറുദ്ദീന്‍ ഫൈസി മുണ്ടുപാറ പ്രസംഗിച്ചു.