നീലേശ്വരം: ബഡ്‌സ് സ്‌കൂള്‍ നിര്‍മാണത്തില്‍ സഹായവുമായി എന്‍.സി.സി കാഡറ്റുകള്‍. സന്നദ്ധ സംഘടനകളുടെ സഹകരണത്തോടെ ഭിന്നശേഷിക്കാരായ കുട്ടികള്‍ക്കു വേണ്ടി അമ്പലത്തറയില്‍ നിര്‍മിക്കുന്ന വിദ്യാലയത്തിന്റെ നിര്‍മാണത്തിനായാണു പടന്നക്കാട് നെഹ്‌റു ആര്‍ട്‌സ് ആന്‍ഡ് സയന്‍സ് കോളജിലെ എന്‍.സി.സി കാഡറ്റുകള്‍ ഒരു ദിവസം നീക്കി വച്ചത്.
നിര്‍മാണ പ്രവര്‍ത്തനങ്ങളുടെ ഭാഗമായി കല്ലും പൂഴിയും കടത്തുകയും പൂഴി അരിച്ചു വൃത്തിയാക്കുകയും ചെയ്തു. കാഡറ്റുകള്‍ കെട്ടിട നിര്‍മാണത്തിലും സഹായിച്ചു.
അസോസിയേറ്റ് എന്‍.സി.സി ഓഫിസര്‍ ലഫ്റ്റനന്റ് നന്ദകുമാര്‍ കോറോത്ത്, അരുണ്‍ കൃ ഷണന്‍, അഭിജിത്ത് നാരായണന്‍, എസ് തന്‍മയി എന്നിവര്‍ നേതൃത്വം നല്‍കി.