കളമശ്ശേരി: സിബാഖ് ദേശീയ കലോത്സവത്തിന്റെ പ്രചാരണാര്‍ഥം ദാറുല്‍ ഹുദാ സ്റ്റുഡന്റ്‌സ് യൂനിയന്‍ സംഘടിപ്പിച്ച സിബാഖ് കാരവന്‍ എറണാകുളം ജില്ലയിലെ കളമശ്ശേരിയില്‍ സമാപിച്ചു. ജനുവരി മൂന്നിന് കാസര്‍കോട്‌നിന്ന് പ്രയാണം ആരംഭിച്ച യാത്ര കണ്ണൂര്‍, കോഴിക്കോട്, വയനാട്, മലപ്പുറം, പാലക്കാട്, തൃശൂര്‍ എന്നീ ജില്ലകളിലെ പര്യടനത്തിനുശേഷമാണ് കളമശ്ശേരി അല്‍ ഹിദായ അക്കാദമിയില്‍ സമാപിച്ചത്.

സമാപന പരിപാടി അഡ്വ. കെ.കെ കബീറിന്റെ അധ്യക്ഷതയില്‍ ടി.എ അഹ്മദ് കബീര്‍ എം.എല്‍.എ ഉദ്ഘാടനം ചെയ്തു. ജാഥാ ക്യാപ്റ്റന്‍ സയ്യിദ് മശ്ഹൂര്‍ കുറുമ്പത്തൂര്‍, വി.കെ അബ്ദുല്‍ ഖാദര്‍, പി.എച്ച് അബ്ദുല്‍ ഖാദര്‍, അബ്ദുല്‍ ഹമീദ് മണ്ണോപ്പിള്ളി, കെ.എസ് അസൈനാര്‍, മുഹമ്മദലി, കെ.കെ മാഹീന്‍, കെ.എ ശരീഫ്, കെ.പി റശീദ്, പി.ബി അന്‍വര്‍ പുഴക്കര, ഷംസു ഹാജി കാക്കനാട്, മുഹമ്മദ് ഇഖ്ബാല്‍ ഹുദവി, റാഷിദ് ഹുദവി സംസാരിച്ചു. ഹംസ നവാഫ് സ്വാഗതവും ബഷീര്‍ ജെ.പി നന്ദിയും പറഞ്ഞു. മികച്ച സ്വീകരണ ചടങ്ങിനുള്ള പുരസ്‌കാരം പാണ്ടിക്കാട് ദാറുല്‍ ഇര്‍ഫാന്‍ അക്കാദമിക്ക് നല്‍കി.