നിലമ്പൂര്‍: കേരള എനര്‍ജി മാനേജ്‌മെന്റ് സെന്ററിന്റെ ഊര്‍ജ കിരണ്‍ 2016-17 പദ്ധതിയോടനുബന്ധിച്ച്, സെന്റര്‍ ഫോര്‍ എന്‍വയോണ്‍മെന്റ് ഡവലപ്‌മെന്റിന്റെ സഹകരണത്തോടെ നിലമ്പൂര്‍ അമല്‍ കോളജ് നാഷണല്‍ സര്‍വിസ് സ്‌കീം യൂനിറ്റുകളുടെ നേതൃത്വത്തില്‍ കുടുംബശ്രീ പ്രവര്‍ത്തകര്‍ക്കായി ഏകദിന ഊര്‍ജ സംരക്ഷണ ശില്‍പശാല സംഘടിപ്പിച്ചു. സെമിനാര്‍ പി.വി അന്‍വര്‍ എം.എല്‍.എ ഉദ്ഘാടനം ചെയ്തു.
എനര്‍ജി മാനേജ്‌മെന്റ് സെന്റര്‍ ജില്ലാതല ട്രെയ്‌നര്‍ കെ മുഹമ്മദ് സബീഹ് ക്ലാസെടുത്തു. പ്രിന്‍സിപ്പല്‍ ഇന്‍ചാര്‍ജ് പി.എം അബ്ദുല്‍ സാക്കിര്‍ അധ്യക്ഷനായി. എസ്.ഇ.പി ജില്ലാ കോര്‍ഡിനേറ്റര്‍ എ. അബ്ദുറഹ്മാന്‍, അധ്യാപകരായ ടി. ഷമീര്‍ ബാബു, ഡോ.കെ.എ ധന്യ, നിലമ്പൂര്‍ നഗരസഭ സി. ഡി.എസ് പ്രസിഡന്റ് കെ.വി ആമിന, എന്‍.എസ്.എസ് പ്രോഗ്രാം ഓഫിസര്‍ കെ.പി ജനീഷ് ബാബു, ആര്‍ ഗീതാഞ്ജലി പി.വി മെബിന്‍, കെ റിസാന എന്നിവര്‍ സംസാരിച്ചു.