കുറ്റിപ്പുറം: കുറ്റിപ്പുറത്തെ അരി ഗോഡൗണില്‍ നിന്നും മൂര്‍ഖന്‍ പാമ്പിനെ പിടികൂടി. ഇന്നലെ രാവിലെ ജോലിക്കെത്തിയ തൊഴിലാളികളാണ് ഉഗ്രവിഷമുള്ള മൂര്‍ഖനെ അരിചാക്കുകള്‍ക്കിടയില്‍ കണ്ടെത്തിയത്.
തൊഴിലാളികള്‍ വിവരമറിയിച്ചതിനെ തുടര്‍ന്ന് പാമ്പ് പിടിത്തക്കാരന്‍ കൈപ്പുറം അബ്ബാസ് എത്തിയാണ് മൂര്‍ഖനെ പിടികൂടിയത്.
എട്ടുവയസ് പ്രായമായ മൂര്‍ഖന് ഒന്നര മീറ്റര്‍ നീളമുണ്ട്. പാമ്പിനെ വനം വകുപ്പിന് കൈമാറി. പ്രളയത്തിന് ശേഷം കുറ്റിപ്പുറത്തിന്റെ പരിസരങ്ങളില്‍ നിരന്തരമായ ഇഴജന്തുക്കളുടെ ശല്യം രൂക്ഷമായിട്ടുണ്ട്.