കരുനാഗപ്പള്ളി: കനത്ത മഴയില്‍ പൊട്ടി വീണ വൈദ്യുത ലൈനില്‍ നിന്നും ഷോക്കേറ്റ്  വൃദ്ധ മരിച്ചു. കരുനാഗപ്പള്ളി പടനായര്‍കുളങ്ങര തെക്ക് കാവും കീഴില്‍ വടക്കതില്‍ പരേതനായ ശിവരാമന്റെ ഭാര്യ സതിയമ്മ (60) ആണ് മരിച്ചത്.  
ശനിയാഴ്ച രാവിലെ വീടിനോട് ചേര്‍ന്ന് പൊട്ടിവീണ് കിടന്ന വൈദ്യുത ലൈനില്‍ നിന്നാണ്  ഇവര്‍ക്ക് ഷോക്കേറ്റത്.ഗുരുതരമായി പരിക്കേറ്റ ഇവരെ കരുനാഗപ്പള്ളി സ്വകാര്യ ആശുപത്രിയിലും തുടര്‍ന്ന് ആലപ്പുഴ മെഡിക്കല്‍ കോളേജിലും പ്രവേശിപ്പിച്ചെങ്കിലും കഴിഞ്ഞ ദിവസം രാവിലെ മരിച്ചു. കരുനാഗപ്പള്ളി പൊലിസ് മേല്‍നടപടികള്‍ സ്വീകരിച്ചു.  മക്കള്‍: ചന്ദ്രന്‍, ഷാജി, ബിന്ദു, ഷീബ. മരുമക്കള്‍: രമ, രാധാമണി, രാജന്‍, രാജു.