ന്യൂഡല്‍ഹി: ജമ്മുകശ്മിരിലെ നൗഷേറയില്‍ നിയന്ത്രണരേഖയ്ക്കു സമീപം സ്‌ഫോടക വസ്തു പൊട്ടിത്തെറിച്ച് മരിച്ചവരില്‍ മലയാളി മേജറും. മേജര്‍ ശശിധരന്‍ വി നായരാണ് (33) സ്‌ഫോടനത്തില്‍ കൊല്ലപ്പെട്ടത്. 2/11 ഗൂര്‍ഖാ റൈഫിള്‍സില്‍ മേജറായി സേവനമനുഷ്ഠിക്കുകയായിരുന്നു.

നൗഷേറ സെക്ടറില്‍ പെട്രോളിങ് നടത്തുന്നതിനിടെയാണ് സ്‌ഫോടനമുണ്ടായത്. സ്‌ഫോടനത്തില്‍ പരുക്കേറ്റ മറ്റൊരു ജവാനെ ആശുപത്രിയില്‍ പ്രവേശിപ്പിച്ചിരിക്കുകയാണ്. രണ്ടു സ്‌ഫോടനങ്ങളാണുണ്ടായത്. ആദ്യ സ്‌ഫോടനം ഇന്നലെ വൈകിട്ട് 4.30നും രണ്ടാമത്തത് ആറിനുമായിരുന്നു. സ്‌ഫോടന വസ്തുക്കള്‍ തീവ്രവാദികള്‍ വച്ചതാണെന്നാണ് കരുതുന്നത്.