മരട്: ദേശീയ പാതയില്‍ ചമ്പക്കര പാലത്തിന്റെ തൈക്കൂടം ഭാഗത്തെ അപ്രോച് റോഡില്‍ കെ.എസ്.ആര്‍.ടി.സി ബസിടിച്ച് കാര്‍ തകര്‍ന്നു. കാറിലുണ്ടായിരുന്നവര്‍ അത്ഭുതകരമായി രക്ഷപ്പെട്ടു.
വഴിയരികിലെ പോസ്റ്റിനുള്ളില്‍ കുരുങ്ങി നിന്ന കാറിലെ യാത്രക്കാരായ ആറംഗ കുടുംബത്തില്‍ നിസാര പരുക്കേറ്റ പൂണിത്തുറ പുളിമൂട്ടില്‍ രാജേഷിന്റെ മകന്‍ രണ്ടര വയസ്സുകാരന്‍ അദ്വൈതിനെ വൈറ്റിലയിലെ സ്വകാര്യ ആശുപത്രിയില്‍ പ്രാഥമിക ശുശ്രൂഷക്കു ശേഷം വിട്ടയച്ചു.