ചെറുവത്തൂര്‍: അതിരുകളില്ലാത്ത സാഹോദര്യത്തിന്റെ വേദിയായി മഖാം ഉറൂസ്. കയ്യൂര്‍ കൂക്കോട്ട് പള്ളിക്കാല്‍ മഖാം ഉറൂസിനാണ് കയ്യൂര്‍ ആല്‍കീഴില്‍ ഭഗവതി ക്ഷേത്ര ആചാര സ്ഥാനികര്‍ ഉള്‍പ്പെടെയുള്ളവര്‍ എത്തിയത്. ഉറൂസിന് പങ്കെടുക്കാന്‍ ബന്ധപ്പെട്ടര്‍ ക്ഷേത്രത്തിലുള്ളവരെ ക്ഷണിച്ചിരുന്നു. കെ.വി ഇബ്രാഹിം കുട്ടി, റഫീഖ് മാസ്റ്റര്‍, എ.കെ ഷൗക്കത്തലി, റിയാസ് നേതൃത്വത്തില്‍ ഇവരെ സ്വീകരിച്ചു. ഏറെ നേരം ചെലവഴിച്ചു പരസ്പരമുള്ള സ്‌നേഹവും സാഹോദര്യവും ഊട്ടിയുറപ്പിച്ചാണ് ക്ഷേത്രത്തില്‍ നിന്നെത്തിയവര്‍ മടങ്ങിയത്.
കെ.വി ഹമീദ്, സിറാജുദ്ദീന്‍ ദാരിമി കക്കാട് സംസാരിച്ചു. എ.സി അബൂബക്കര്‍ ബാഖവി മൌലീദ് പാരായണം നടത്തി. ഉമര്‍കോയ തങ്ങള്‍ കൂട്ടുപ്രാര്‍ത്ഥനയ്ക്ക് നേതൃത്വം നല്‍കി.