ഒരു തലമുറയുടെ ഇഷ്ട ഗെയിമായ സ്‌നേക്ക് ഗെയിം പുതിയ നോക്കിയയുടെ പുതിയ 3310 ഫോണിനൊപ്പം തിരിച്ചുവരുന്ന വാര്‍ത്ത കഴിഞ്ഞ ദിവസം നമ്മള്‍ കേട്ടു. എന്നാലിപ്പോ കൂടുതല്‍ സന്തോഷിക്കാനൊരു വകയുണ്ട്. സ്നേക്ക് ഗെയിം ഫെയ്‌സ്ബുക്കിലും ഇഴഞ്ഞുകയറാനൊരുങ്ങുകയാണ്.

ഇഴഞ്ഞു നീങ്ങിക്കൊണ്ടിരിക്കുന്ന പാമ്പിനെ നിയന്ത്രിച്ച് ഇര പിടിക്കുന്നതാണ് പാമ്പ് ഗെയിം. വളരെ ലളിതമായ ഗെയിമാണെങ്കിലും വന്‍ ജനപ്രീതിയാണ് ഈ ഗെയിമിന്.

എന്നാലൊരു കാര്യമുണ്ട്. ഫെയ്‌സ്ബുക്ക് മെസഞ്ചര്‍ ഉള്ളവര്‍ക്ക് മാത്രമേ ഈ ഗെയിം കളിക്കാനാകൂ. മാത്രമല്ല, ഇത് ഇന്ത്യയിലെത്താന്‍ കുറച്ച് കാത്തിരിക്കുകയും വേണം. ഇന്ത്യയിലെ ഫെയ്‌സ്ബുക്ക് മെസഞ്ചര്‍, ഇസ്റ്റന്റ് ഗെയിം സൗകര്യം സപ്പോര്‍ട്ട് ചെയ്യുന്നില്ല എന്നതാണ് കാരണം.

പുതിയ ലോഗോയും ഫീച്ചര്‍ കളറിലുമൊക്കെയാണ് ഫെയ്‌സ്ബുക്കില്‍ സ്‌നേക്ക് ഗെയിം അവതരിക്കാന്‍ പോകുന്നത്.