കൂടരഞ്ഞി: കക്കാടംപൊയിലില്‍ ആദിവാസി സ്ത്രീയുടെ മരണം ഷോക്കേറ്റാണെന്ന വിലയിരുത്തലില്‍ നിന്നും അന്വേഷണമികവ് കൊണ്ട് കൊലപാതകമാണെന്ന് കണ്ടെത്തിയ പൊലിസിനി നാട്ടുകാരുടെ അഭിനന്ദനം.  പ്രദേശത്തെ സമൂഹമാധ്യമ ഗ്രൂപ്പുകളിലും വാട്‌സ് ആപ്പ് സന്ദേശങ്ങളിലും പൊലിസിന്റെ അന്വേഷണ മികവിനെ പ്രകീര്‍ത്തിച്ചുള്ള സന്ദേശങ്ങള്‍ വ്യാപകമായി പ്രചരിക്കുന്നുണ്ട്. പോസ്റ്റ്‌മോര്‍ട്ടം നടത്തിയപ്പോള്‍ സംശയമായി തോന്നിയ ചെറിയ ഒരു പാടാണ് അന്വേഷണത്തിന്റെ ഗതിമാറ്റിയത്.
ഇതോടെ അച്ഛനും അമ്മയും ഇല്ലതായ മൂന്ന് മക്കള്‍ക്ക് നീതി കിട്ടും എന്ന പ്രതീക്ഷയിലാണ് നാട്ടുകാര്‍. താമരശ്ശേരി ഡിവൈ.എസ്.പി പി. ബിജുരാജിന്റെ നേതൃത്വത്തില്‍ തിരുവമ്പാടി എസ്.ഐ സനല്‍ രാജ് ,ഡിവൈ.എസ്.പിയുടെ ക്രൈം സ്‌ക്വാഡ് അംഗങ്ങളായ എ.എസ്.ഐ രാജീവ് ബാബു, സീനിയര്‍ സി.പി.ഒ ഷിബില്‍ ജോസഫ്, സി.പി ഷെഫീഖ് നീലിയാനിക്കല്‍, തിരുവമ്പാടി പൊലിസ് സ്റ്റേഷനിലെ എസ്.ഐ സദാനന്ദന്‍, എ.എസ്.ഐ സൂരജ്, മനോജ്, സ.ിപി.ഒമാരായ പ്രജീഷ്, രാംജിത്ത്, സപ്‌നേഷ്, ജിനേഷ് കുര്യന്‍, ഷിജു, ബോബി, വനിതാ സി.പി.ഒ സ്വപ്ന എന്നിവരാണ് അന്വേഷണ സംഘത്തിലുണ്ടായിരുന്നത്.