തുറവൂര്‍: അന്ധകാരനഴിയില്‍ നടക്കുന്നതുപോലെ പള്ളിത്തോട്ടിലും മണല്‍കടത്ത് വര്‍ധിക്കുന്നു.
ചെറുവള്ളങ്ങളില്‍ പൊഴിച്ചാലുകളില്‍നിന്നും എത്തുന്ന മണലാണ് റോഡരികില്‍ സംഭരിച്ച ശേഷം രാത്രി കാലങ്ങളില്‍ വാഹനങ്ങളില്‍ കയറ്റിയയ്ക്കുന്നത്. പള്ളിത്തോട് പാലത്തിന് തെക്ക് ഭാഗത്തും വടക്കുഭാഗത്തും മണല്‍ സംഭരിച്ചശേഷമാണ് പ്രത്യേക വാഹനങ്ങളില്‍ കയറ്റി കൊണ്ടു പോകുന്നതെന്ന് നാട്ടുകാര്‍ പറയുന്നു. മണല്‍ വാഹനത്തില്‍ കയറ്റുന്നതിന് പ്രാദേശിക രാഷ്ട്രിയ കക്ഷി നേതാക്കളും പൊലിസും ഒത്താശ ചെയ്യുന്നതായി ആരോപണമുണ്ട്. സ്വന്തം ആവശ്യത്തിനാണെന്ന് പറഞ്ഞാണ് തീരത്തുതിന്നും മണല്‍ കൊണ്ടുപോകുന്നതെന്നാണ് പറയുന്നത്. നാട്ടുകാര്‍ പൊലിസില്‍ പരാതി നല്‍കിയാല്‍ ഉടനെ മണല്‍ കടത്തുകാര്‍ക്ക് വിവരം ചോര്‍ത്തിക്കൊടുക്കും. പിന്നീട് പ്രഹസനമായി ഒരന്വേഷണവും നടത്തും.  
മണല്‍കടത്ത് തടയാന്‍ ഉന്നത ഉദ്യോഗസ്ഥര്‍ ഇനിയെങ്കിലും കര്‍ശന നടപടി സ്വീകരിക്കണമെന്ന ആവശ്യം ശക്തമായി.