കോഴിക്കോട്: ലോക ബാലവേല വിരുദ്ധ വാരാചരണത്തിന്റെ ഭാഗമായി ബാലവേല വിരുദ്ധ സന്ദേശം സംബന്ധിച്ച സ്റ്റിക്കര്‍ ഗാനരചയിതാവും സംഗീത സംവിധായകനുമായ കൈതപ്രം ദാമോദരന്‍ നമ്പൂതിരി പ്രകാശനം ചെയ്തു.
കലക്ടറേറ്റ് കോണ്‍ഫറന്‍സ് ഹാളില്‍ നടന്ന ചടങ്ങില്‍ റീജ്യനല്‍ ജോയിന്റ് ലേബര്‍ കമ്മിഷണര്‍ കെ.എം സുനില്‍ അധ്യക്ഷനായി.
എ.ഡി.എം ടി. ജനില്‍ കുമാര്‍ ബാലവേല വിരുദ്ധ സന്ദേശം നല്‍കി. കെ.വി ജില്ലാ ലേബര്‍ ഓഫിസര്‍ വിപിന്‍ലാല്‍, ചൈല്‍ഡ്‌ലൈന്‍ കോഡിനേറ്റര്‍ എം.പി മുഹമ്മദലി, ജില്ലാ ലേബര്‍ ഓഫിസര്‍ (എന്‍ഫോഴ്‌സ്‌മെന്റ്) ബി.എസ് രാജീവ് സംസാരിച്ചു.