കാസര്‍കോട്: സഹനം, സമരം, സമര്‍പ്പണം എന്ന പ്രമേയത്തില്‍ എസ്.കെ.എസ്.എസ്.എഫ് കാസര്‍കോട് ജില്ലാ കമ്മിറ്റി പുതിയ ബസ് സ്റ്റാന്‍ഡ് പി.ബി ഗ്രൗണ്ടില്‍ 24 മുതല്‍ 27 വരെ സംഘടിപ്പിക്കുന്ന റമദാന്‍ പ്രഭാഷണത്തില്‍ സിംസാറുല്‍ ഹഖ് ഹുദവി പങ്കെടുക്കും. 24ന് ഉച്ചക്ക് 1.45 നാണ് സിംസാറുല്‍ ഹഖ് ഹുദവി പ്രഭാഷണം നടത്തുന്നത്.
25രാവിലെ ഒന്‍പതു മണിക്ക് ഖലീല്‍ ഹുദവിയും, 26നു രാവിലെ ഒന്‍പതുമണിക്ക് അഡ്വ. ഓണമ്പള്ളി മുഹമ്മദ് ഫൈസിയും, 27ന് രാവിലെ കുമ്മനം നിസാമുദ്ധീന്‍ അസ്ഹരിയും പ്രഭാഷണം നടത്തും. നാലു ദിവസങ്ങളിലായി പുതിയ ബസ് സ്റ്റാന്‍ഡ് പരിസരത്ത് നടക്കുന്ന പ്രഭാഷണ പരിപാടിയില്‍ മത,സാംസ്‌കാരിക, രാഷ്ട്രീയ നേതാക്കള്‍ സംബന്ധിക്കുമെന്ന് സ്വാഗത സംഘം ചെയര്‍മാന്‍ ഡോ. ഖത്തര്‍ ഇബ്രാഹിം ഹാജി കളനാട്, ജനറല്‍ കണ്‍വീനര്‍ താജുദ്ധീന്‍ ദാരിമി പടന്ന, വര്‍ക്കിങ് ചെയര്‍മാന്‍ ഇബ്രാഹിം ഫൈസി ജെഡിയാര്‍, വര്‍ക്കിങ് കണ്‍വീനര്‍ ഹാരിസ് ദാരിമി ബെദിര അറിയിച്ചു.