പേരാമ്പ്ര: കിഴക്കന്‍ പേരാമ്പ്രയില്‍ അക്രമത്തില്‍ സി.പി.എം പ്രവര്‍ത്തകന് വെട്ടേറ്റു. ആശാരിക്കണ്ടി കുഞ്ഞായന്റെ മകന്‍ ഫൈസലിനാണ് (34) വെട്ടേറ്റത്. തലയ്ക്കും കഴുത്തിനും വെട്ടേറ്റ നിലയില്‍ ഫൈസലിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ഇന്നലെ ഉച്ചയോടെ കണ്ണോത്ത് യു.പി സ്‌കൂളിനടുത്തു വച്ചായിരുന്നു ആക്രമണം.കഴിഞ്ഞ ദിവസം ലഹരി വിരുദ്ധ പരിപാടിയുടെ പോസ്റ്റര്‍ പതിക്കുന്നതുമായി ബന്ധപ്പെട്ട് ജന്മഭൂമി ഏജന്റിനെ സി.പി.എം കൈയേറ്റം ചെയ്തതായി പറയപ്പെടുന്നു. ആര്‍.എസ്. എസ് പ്രവര്‍ത്തകരാണ് ഫൈസലിനെ അക്രമിച്ചതെന്ന് സി.പി.എം ആരോപിച്ചു. അക്രമത്തില്‍ പ്രതിഷേധിച്ച് സി.പി.എം കിഴക്കന്‍ പേരാമ്പ്രയില്‍ പ്രകടനം നടത്തി.