ന്യൂഡല്‍ഹി: മുംബൈയിലെ ലോക്കല്‍ ട്രെയിനിലെ യാത്രക്കാരിയായി ലോക ബാങ്ക് സി.ഇ.ഒ ക്രിസറ്റലീന ജോര്‍ജീവ. ഇന്ന് രാവിലെ ചര്‍ച്ച് ഗേറ്റ് മുതല്‍ ദാദര്‍ വരെയാണ് ഇവര്‍ യാത്ര ചെയ്തത്. ലോകബാങ്കുമായി സഹകരിച്ച് നടത്തുന്ന
മുംബൈയിലെ സബര്‍ബന്‍ ട്രെയിന്‍ സര്‍വിസിന്റെ പരിശോധനയുമായി ബന്ധപ്പെട്ട് എത്തിയതായിരുന്നു ഇവര്‍.

ലോക്കല്‍ ട്രെയിനിന്റെ ടിക്കെറ്റെടുത്ത് സാധാരണക്കാര്‍ക്കൊപ്പം സഞ്ചരിച്ചാണ് ഇവര്‍ വ്യത്യസ്തയായത്. ധനകാര്യ മന്ത്രി അരുണ്‍ ജെയ്റ്റ്‌ലിയുമായും ആര്‍.ബി.ഐ ഗവര്‍ണര്‍ ഊര്‍ജിത് പട്ടേലുമായും മറ്റു ഉന്നതോദ്യോഗസഥരുമായും ഇവര്‍ ഇന്ന് ചര്‍ച്ച നടത്തുന്നുണ്ട്. ലോക ബാങ്കുമായി ചേര്‍ന്ന് സര്‍വശിക്ഷാ അഭിയാന്‍ നടത്തുന്ന ഭിന്നശേഷി വിദ്യാര്‍ഥികള്‍ക്കായുള്ള പരിപാടിയിലും ഇവര്‍ സംബന്ധിക്കും.