കുന്നംകുളം: കനത്ത മഴയിലും കാറ്റിലും വൈശ്ശേരിയില്‍ വീടിന്റെ മേല്‍ക്കൂര പറന്ന് വീണു. ആര്‍ക്കും പരുക്കില്ല. കഴിഞ്ഞ ദിവസം വൈകിട്ടുണ്ടായ ശക്തമായ കാറ്റിലാണ് അപകടമുണ്ടായത്.
വൈശ്ശേരി വിളക്കത്തല സുകുവിന്റെ വീടിന്റെ ഇരുമ്പ് ഷീറ്റു മേഞ്ഞ മേല്‍ക്കൂര പൂര്‍ണമായും കാറ്റില്‍ പറന്ന് മുറ്റത്തേക്ക് തലകീഴായി മറിഞ്ഞു വീഴുകയായിരുന്നു.
സുകുവിന്റെ ഭാര്യയും സോഹദരിയും വീട്ടിലുണ്ടായിരുന്നുവെങ്കിലും ആര്‍ക്കും പരുക്കില്ല. അപകടത്തില്‍ വീടിന്റെ ചുരകളും തകര്‍ന്നിട്ടുണ്ട്. 3 ലക്ഷം രൂപയുടെ നഷ്ടമുണ്ടായതായി കണക്കാക്കുന്നു.